Video
Read full review
2023-02-22
2464 views
四個傻婆諗住搵個地方飲下茶傾吓計， book咗桃里，因為有會員七五折，而且地方舒服又唔使趕住食。本來一心諗住散叫點心，冇諗住任食，因為大家胃口都唔係大。但係去到發現散叫嘅點心比以前少咗好多，唔計甜品得10款左右。反而任食選擇比較多，而且憑經驗，我地平時酒店飲茶一個人都要二百幾。任食就$760兩位，最終都係選擇返任食。我自己推介三款點心：蟹肉灌湯餃，蝦餃，帶子餃。首先蟹肉灌湯餃係必食，絕對係值回票價，個湯底好清甜，入邊有勁多蟹肉同埋蝦，絕不欺場。跟住蝦餃同埋帶子餃亦都係餡料豐富，新鮮彈牙。桃里的任食套餐久不久轉Menu，今次嘅前菜就唔係太得我歡心，冇我鍾意食嘅叉燒，試咗檸檬汁龍脷柳同埋口水汁青瓜豬耳都好一般。甜品亦都係，只得笑口棗好食。笑口棗上桌時還是暖的，有驚喜，好鬆脆，一點油膩感都沒有，好乾爽，值得一試👍🏻，但係其他甜品就僅僅合格。老火湯今日係章魚湯，勁好飲。老實講，桃里的點心質素大部份都很有水準，而且真材實料，不會因為做任食而降低了質素。但佢整體服務沒有其他五星酒店那種體貼高尚感覺，例如放食物比較粗魯，職員亦都唔會好attentive，好多時食完嘢都唔會好快過嚟收碟，茶壺真係揭開個
本來一心諗住散叫點心，冇諗住任食，因為大家胃口都唔係大。但係去到發現散叫嘅點心比以前少咗好多，唔計甜品得10款左右。
反而任食選擇比較多，而且憑經驗，我地平時酒店飲茶一個人都要二百幾。任食就$760兩位，最終都係選擇返任食。
我自己推介三款點心：蟹肉灌湯餃，蝦餃，帶子餃。
首先蟹肉灌湯餃係必食，絕對係值回票價，個湯底好清甜，入邊有勁多蟹肉同埋蝦，絕不欺場。跟住蝦餃同埋帶子餃亦都係餡料豐富，新鮮彈牙。
桃里的任食套餐久不久轉Menu，今次嘅前菜就唔係太得我歡心，冇我鍾意食嘅叉燒，試咗檸檬汁龍脷柳同埋口水汁青瓜豬耳都好一般。
甜品亦都係，只得笑口棗好食。笑口棗上桌時還是暖的，有驚喜，好鬆脆，一點油膩感都沒有，好乾爽，值得一試👍🏻，但係其他甜品就僅僅合格。
老火湯今日係章魚湯，勁好飲。
老實講，桃里的點心質素大部份都很有水準，而且真材實料，不會因為做任食而降低了質素。
但佢整體服務沒有其他五星酒店那種體貼高尚感覺，例如放食物比較粗魯，職員亦都唔會好attentive，好多時食完嘢都唔會好快過嚟收碟，茶壺真係揭開個蓋先有人添水。不過佢勝在有大窗，睇開我食評都知道，可以望街嘅餐廳，係會加分，因為感覺舒服，唔會咁侷促。
埋單每人$350 ，總體可以呀。
如果打算去食記得兩日前做定會員，同埋訂枱時問佢有冇做緊折扣。
Post
