潮福蒸氣石鍋 (Closed)

潮福最方便，分店遍佈香港九龍新界，今晚朋友食提意食蒸海鮮，為求方便大家當然去旺角分店！任飲任食海鮮餐大約三百蚊一位，但光是啤酒任飲已值回票價！先選粥底、湯品，再選剔三款定食及四款海鮮，最後還有肉類、丸類、瓜菜、包點等任食，絕對可以捧腹離開適逢時候，潮福還推出大閘蟹作定食選擇，與龍蝦二選一。今年聽說大閘蟹質素下降，所以都還未食過，但四處都食龍蝦，今晚還是試一試大閘蟹吧！店員把生米瑤柱淮山放入石鍋底層，然後邊食邊等蒸鍋熱起先飲盅暖笠笠湯 - 唐排很腍，味道香濃再來一隻油脂豐盛的胞皮乳鴿，炸得香脆又多肉汁蒸鍋可以開始了貝殻盛盆有蕃薯蜆及韓國蜆仔 - 粒粒漲卜卜，鮮甜而不靭因為蟶子沽清所以我們改選馬刀貝，意想一份有兩隻大大隻，鮮味爽口陸續蒸鮑魚、貴妃蚌、元貝，元貝最抵讚: 非常厚肉，肉嫩鮮甜 ; 貴妃蚌則有點失望，內臟已清走，但稍蒸過了少少，有點靭。最後食最花時間的江蘇大閘蟹(約5兩半重)，目測真的比較大隻，好多膏食完海鮮就放牛肉及糕點落去蒸，馬拉糕是最好食完成所有蒸物就可以食埋個粥底，真係飽到上心口