燒蝦蝦 (興泰大廈) (Closed)

朋友生日黎到屯門興泰大廈的《燒蝦蝦》夾蝦食燒烤放題，店舖出面有放左個宣傳牌＂晚市流水蝦任飲任食＂，出面仲有一個放滿蝦的大缸，D蝦勁新鮮，隻隻都係到跳的。餐廳超大，有幾個區，海鮮吧，調味區，甜品區，飲品區，涼拌菜…海鮮超多種呀！大蝦，扇貝，鮑魚，蜆，青口，全部新鮮，燒黎食超鮮甜。海鮮唔想就咁燒，可以加蒜蓉辣椒，佢仲有好多調味料，真係濃淡由你選擇。我哋仲有燒雞翼，豬扒，牛扒，丸類，超豐富！值得一提係鍾意飲啤酒的人一定好正，四款生啤任飲，其中仲有罕有1664生啤。