Video
Read full review
2022-11-12
837 views
🇭🇰華記潮州滷水車仔麵·呢間我哋之前喺太子食餃子嘅時候見到超多人排隊 好似好正咁 所以bookmark左一路都好想試 近排見佢喺西環開咗新分店就終於嚟咗啦😎😎·四餸車仔麵$58我哋見到佢有四餸揀好似好豐富咁 所以就嗌咗兩碗😈不過佢真係超大碗 佢個麵就算扣咗底都仲係超多 而且佢每樣餸都有四至五舊 好足料🤩🤩而且佢個滷水湯底係超正 佢係勁甜 而且完全唔會油膩 就咁飲都好好味😋之後佢呢度係好多嘢都有得俾你揀嘅 你可以自己揀芫荽或者蔥嘅份量 亦都可以揀麵嘅質地 辣度 超貼心😚麵底方面我自己覺得油麵同米粉都好襯個滷水 油麵食落就會有口感啲 米粉就會索湯啲 兩個都好正🤤🤤·豬手 l 豬肚 l 豬心 l 豬大腸(瘦) l 豬潤蘿蔔 l 滷水豆腐| 油麥菜佢呢度係有超多豬雜同埋牛雜揀 我哋今次就主要試左佢既豬🐷我自己最鍾意佢個豬手 佢呢個係炆到勁入味 而且佢係炆到仲有少少咬口個種黎既 中間嗰啲關節位勁好食 我自己好鍾意🤤🤤之後佢個豬肚同豬心口感都好好 而且處理得好乾淨 比較特別既係佢呢度嘅豬大腸係有得揀瘦既 冇咁多肥膏食落就冇咁騷😈反而佢個豬膶我自己就覺得佢有少少澀 相對上冇其他咁好食🫢🤣🤣之後素菜方
·
呢間我哋之前喺太子食餃子嘅時候見到超多人排隊 好似好正咁 所以bookmark左一路都好想試 近排見佢喺西環開咗新分店就終於嚟咗啦😎😎
·
四餸車仔麵$58
四餸車仔麵
$58
118 views
1 likes
0 comments
我哋見到佢有四餸揀好似好豐富咁 所以就嗌咗兩碗😈不過佢真係超大碗 佢個麵就算扣咗底都仲係超多 而且佢每樣餸都有四至五舊 好足料🤩🤩而且佢個滷水湯底係超正 佢係勁甜 而且完全唔會油膩 就咁飲都好好味😋之後佢呢度係好多嘢都有得俾你揀嘅 你可以自己揀芫荽或者蔥嘅份量 亦都可以揀麵嘅質地 辣度 超貼心😚麵底方面我自己覺得油麵同米粉都好襯個滷水 油麵食落就會有口感啲 米粉就會索湯啲 兩個都好正🤤🤤
·
豬手 l 豬肚 l 豬心 l 豬大腸(瘦) l 豬潤
蘿蔔 l 滷水豆腐| 油麥菜
四餸車仔麵
$58
64 views
0 likes
0 comments
佢呢度係有超多豬雜同埋牛雜揀 我哋今次就主要試左佢既豬🐷我自己最鍾意佢個豬手 佢呢個係炆到勁入味 而且佢係炆到仲有少少咬口個種黎既 中間嗰啲關節位勁好食 我自己好鍾意🤤🤤之後佢個豬肚同豬心口感都好好 而且處理得好乾淨 比較特別既係佢呢度嘅豬大腸係有得揀瘦既 冇咁多肥膏食落就冇咁騷😈反而佢個豬膶我自己就覺得佢有少少澀 相對上冇其他咁好食🫢🤣🤣之後素菜方面佢個蘿蔔係勁大嚿 勁入味 超甜 我自己好鍾意 不過美中不足就係佢有啲邊邊位稍為有少少渣 不過都係好味既😋之後佢個滷水豆腐都係超入味 佢中間個網狀結構係索到勁多汁 一咬嘅時候勁juicy 另外個油麥菜都好夾個滷水😎😎
·
新鮮魷魚鬚$45
之後小食方面我哋見佢牆上面有推介呢個魷魚鬚就嗌咗一份😌佢呢一個係有少少辣油咁樣 超級惹味 而且佢份量都好多 魷魚個質感都整得好好 尤其係佢中間頭嗰個部份 超彈牙😍
·
#rbyeat
#rby港式
#rby西環 #rby太子
·
📍西環西營盤正街40號地舖
📍太子界限街34號民興大廈地舖
📍太子界限街27號地下
Post
