開心坊·親子餐廳 (Closed)

呢間餐廳已經開咗幾個月，終於嚟試一試。見到佢嘅午餐Menu價錢唔算特別平，大概$70-$90，我叫咗黑松露海鮮意大利飯，同加咗$18羽衣甘藍汁。個餐湯標榜冇味精，估唔到連渣都冇剩係得清湯，飲落好似水咁。羽衣甘藍汁味道正常。終於等到個意大利飯嚟，一擺低我嚇親，目測半碗飯都冇，成碟野三啖就食完。作為一個唔算大食嘅女仔，我食曬成個飯，好似乜嘢都冇落過肚。味道係唔差，但係$97一個空氣咁嘅lunch，唔會再去食。