Video
Read full review
2023-04-30
965 views
好耐無去九龍灣搵食，上網見介紹Metro 豚骨Base 好似好正咁，於是就坐車去試吓。去到先知係一風堂crossover，諗住都未必太衰，同埋我老公想食，所以都無打退堂鼓。喺門口見到有食券機，諗住噤食券，點知部機超級lag，完全用唔到，店員咁啱招呼我哋入去坐，所以入咗去QR Code 落單。我老公叫咗碗厚牛舌拉麵，加咗牛舌、蔥、紫菜。我就叫咗碗三色叉燒飯，另外加咗黑松露餃子、炸蠔share。$85一碗拉麵，超細碗，因為係老公食，當時我又無諗住寫食評，所以無影相，我試咗一啖拉麵同湯。醬油湯底，偏淡，又話豚骨Base⋯⋯麵算彈牙，叫做唔差。牛舌同其他配料我無食，唔評價。黑松露餃子隻餃子細過我隻手指公，食落去完全無黑松露味，於是拆開餃子一睇，普通椰菜肉餃⋯？？？？？我成頭黑人問號。跟住睇下佢個餃子汁，有啲黑色點點，唔係好多，跟住用筷子點咗啲汁放入口⋯有好輕嘅松露味，再睇返個電話，原來係黑松露汁餃子⋯比原味貴$8，買個咁嘅汁⋯多謝晒⋯炸蠔個皮有少少厚，相對裏面粒蠔肉都算細。$22，值唔值得自己諗。等到我老公食哂，我個飯都未上，我追咗，佢話等多5分鐘。跟住等多陣，另一個店員黎收我對筷子，我話我仲
喺門口見到有食券機，諗住噤食券，點知部機超級lag，完全用唔到，店員咁啱招呼我哋入去坐，所以入咗去QR Code 落單。
我老公叫咗碗厚牛舌拉麵，加咗牛舌、蔥、紫菜。我就叫咗碗三色叉燒飯，另外加咗黑松露餃子、炸蠔share。
$85一碗拉麵，超細碗，因為係老公食，當時我又無諗住寫食評，所以無影相，我試咗一啖拉麵同湯。
醬油湯底，偏淡，又話豚骨Base⋯⋯
麵算彈牙，叫做唔差。
牛舌同其他配料我無食，唔評價。
黑松露餃子隻餃子細過我隻手指公，食落去完全無黑松露味，於是拆開餃子一睇，普通椰菜肉餃⋯
？？？？？
我成頭黑人問號。
跟住睇下佢個餃子汁，有啲黑色點點，唔係好多，跟住用筷子點咗啲汁放入口⋯
有好輕嘅松露味，再睇返個電話，原來係黑松露汁餃子⋯
比原味貴$8，買個咁嘅汁⋯
多謝晒⋯
炸蠔個皮有少少厚，相對裏面粒蠔肉都算細。
$22，值唔值得自己諗。
等到我老公食哂，我個飯都未上，我追咗，佢話等多5分鐘。
跟住等多陣，另一個店員黎收我對筷子，我話我仲未食呀😒
跟住佢即刻入廚房幫我拎碗飯出嚟。
黎到先係地獄嘅開始。
三色叉燒，每款叉燒兩片，佢可以好一致咁做到三款都係鞋嘅。
鞋到𡁻到牙鉸軟😮💨
飯嘅汁唔係好多，但白飯好多，啲餸唔夠送飯，於是我係咁食白飯。留返啲有汁嘅飯無餸嘅時候食😂
𡁻到一半頂唔順，我決定影張相上黎寫食評🙃
最後係，我無食哂啲叉燒，因為牙鉸真係軟，我食多咗右邊半塊就收咗手，出去外面搵食。😒
$68 食垃圾，真係對唔住自己個胃😒
以美心集團黎講，呢幾年啲日本過江龍都經營得好差。
當年新蒲崗啱啱開チカラめし嘅時候，我去食過一次，個燒牛肉飯仲差過吉野家，同日本嘅チカラめし根本無得比，連燒牛肉都講唔上，美心只係買咗個招牌返黎，其他嘢根本無買到。
除咗一個差字，我都只可以送多個差字比佢。
奉勸大家，如果唔想比錢買難受，真係唔好去。
Post
