金沙角美食小厨

Open Now

Now Closed

新春期間去親戚屋企拜年, 然後去咗呢間很有大排檔風味嘅《金沙角美食小厨》。對比傳統舊式大排檔, 呢度地方環境被翻新過, 更整潔企理, 設有室內同室外座位。食物款式多, 價錢合理, 而且份量大大碟, 岩哂一大班人約埋share食。【豉油皇鵝腸】HK$100鵝腸份量多, 個汁鹹度剛剛好, 有少量芽菜墊底, 而鵝腸比例佔多, 沒有太多肥油層連帶, 質地好爽。【脆皮炸大腸】HK$100大腸外層炸得微脆, 沒有異味, 嫌腸內油層多咗少少。【椒鹽鮮魷】HK$138炸皮薄、酥脆而不油, 魷魚爽彈, 雙重口感, 加上少少椒鹽同炸蒜, 香口非常, 送酒一流!【豉汁蒸大鱔】HK$168鱔皮超爽滑, 鱔肉厚切爽彈兼富獨有嘅鮮魚香, 豉汁更加提鮮, 更惹味, 必食首選。【豉椒牛肉炒河】HK$85炒得有穫氣, 每啖入口都散發陣陣豉椒香氣, 茨汁令炒河濕滑, 牛肉偏有些少口感但唔會太硬。