校長燒肉日韓料理 (大埔廣場)

Open Now

Now Closed

大埔有個火車博物館，今日去睇下發覺地方不大，卻有火車歷史外，仲有已退役的火車參觀，幾特別，對火車迷是值得一看。參觀後，不經不覺食晏時候到，就去了位於大埔廣場的校長燒肉餐廳。這家餐廳的門口擺放著一個大大的雪人公仔，路過必看到。再望下個價錢，中午分90分鐘同2小時，食物基本有齊燒烤區+沙律區+熟食區+壽司區+小食區+甜品區+飲品區+雪糕區，仲可以再按需要加食火鍋同刺身等，有咁多嘢食所以冇乜思考就入去，沿樓梯一直行上去有不同擺設，當然最吸睛係iron man。再講下環境，整體企理衛生，飲品好多選擇，見到都開心，除咗罐裝啤酒、仲有梅酒、清酒，最正嘅有暖暖維他奶，真係很少見。食物區隔分明，每區款式唔多，但基本嘅會有齊，好似小食有薯條、炸雞寶，燒肉有牛、豬、雞，壽司有蛋、三文魚、吞拿魚，沙律有蕃茄仔、蔬菜，其他有湯、麵包等等，總之加起就足夠有餘，只怕眼闊肚窄，千萬唔好浪費食物，食幾多攞幾多就最啱。2小時嘅快樂不知時日過，轉眼食到飽飽，又可以再行街。