糖心軒

Open Now

Now Closed

喺西環想搵個企企理理，坐得舒服嘅地方飲茶，所以黎到上環Ibis酒店裡面嘅糖心軒，星期六11點幾到，人流不少。座位唔算好逼，侍應服務都唔錯。叫左一系列基本點心，蝦餃好大粒，蒸起脹卜卜非常吸引，裡面嘅蝦都好完整同新鮮。燒賣亦係大大粒，賣相吸引，咬落幾彈牙，山竹牛肉，牛肉腸粉，叉燒包等都非常不錯。干炒牛河略嫌多油，不過幾有鑊氣。仲叫左煲鳳爪排骨蒸飯，鳳爪幾大隻，配上排骨同豉油，懷舊得黎又飽肚。值得一提係馬拉糕好好味，鬆軟得黎唔會太甜！西環都好多酒樓，但要唔同人逼又飲得舒服嘅選擇唔多，糖心軒絕對係中上之選！