火夫

Open Now

Now Closed

食咗個 M04 関西牛肉湯麵，飲咗杯水，食完坐咗陣，一行出鋪冇幾耐，就feel到個肚開始嚟料，行返出德民街個十字路口就已經要即刻衝去附近商場解決，結果一晚肚屙咗三次，同枱朋友嗌咗個 M01 虎蝦濃湯麵，評語係咸到一個點，menu仲打粒星喺度，可能就係伏你嗌嘢飲～鋪頭冷氣開咗同冇開一樣，個麵完全唔係熱到出煙，係暖嘅啱入口，但就食到出晒汗，啲位又迫，張櫈個外殼整到鬼咁大，搞到對腳嘅伸展空間好窄，對面再坐個人真係大家腳踢腳咁坐，啲設計完全係錯晒，我寧願你俾張膠櫈我，都仲坐得舒服過佢依家鋪頭啲櫈，舒適度我俾零分！啲員工就掛住傾計，想落單講「唔該」講咗三次先應機，坐低連一杯水都冇俾，仲諗緊係咪連水都要收錢所以唔俾，後尾見人哋坐低就有杯水，先問佢拎返杯水，世界級餐廳，唔憂做咁款，咁嘅質素仲要加一服務費，叻！