Video
Read full review
2022-01-19
1258 views
最近生日同朋友book左呢間位於元朗嘅Omakase慶祝，但成個用餐體驗就唔係咁愉快🤧。因為疫情嘅關係，佢地嘅Lunch Set 就只做✨$780✨呢個價錢，其實同樣嘅價錢可以有好多唔同嘅選擇，但我地見餐廳網上嘅評價都唔錯，就照落訂。平心而論，餐廳嘅用料其實唔算差，全部都係日本進口有證書，食落都幾新鮮，但可能因為當日師傅發辦嘅魚類並唔係我鍾意食嘅，我就唔特別覺得Impressive. 當日我地嘅就食左：✨兵庫縣赤上生蠔/✨富山縣鰹魚刺身/✨九繪壽司/✨深海池魚壽司/✨春魚壽司/✨大分縣左口魚壽司/✨魷魚壽司/✨燒北海道帆立貝/✨天草縣池魚壽司/✨鰤魚壽司/✨長崎縣蛇腹大拖壽司/✨赤身壽司/✨北海道胺康魚肝/✨赤海膽軍艦/✨卷物咁多品料理當中點都有幾件係令我覺得impressive 嘅，例如春魚、鰤魚、鮟康魚肝等，但整體而言都係失望。首先佢地嘅飯係偏酸，搶晒魚生本身嘅鮮味。其次唔明點解會安排兩件池魚壽司😂師傅解釋就話係因為兩件來自唔同縣，但我自己就唔覺有明顯分別。第三係最令我期待嘅拖羅係食到有筋，以往我去其他價位較平嘅omakase都唔會有呢個問題。如果只係味道唔理想我都未至於會差評一間
平心而論，餐廳嘅用料其實唔算差，全部都係日本進口有證書，食落都幾新鮮，但可能因為當日師傅發辦嘅魚類並唔係我鍾意食嘅，我就唔特別覺得Impressive. 當日我地嘅就食左：
✨兵庫縣赤上生蠔/✨富山縣鰹魚刺身/✨九繪壽司/✨深海池魚壽司/✨春魚壽司/✨大分縣左口魚壽司/✨魷魚壽司/✨燒北海道帆立貝/✨天草縣池魚壽司/✨鰤魚壽司/✨長崎縣蛇腹大拖壽司/✨赤身壽司/✨北海道胺康魚肝/✨赤海膽軍艦/✨卷物
咁多品料理當中點都有幾件係令我覺得impressive 嘅，例如春魚、鰤魚、鮟康魚肝等，但整體而言都係失望。首先佢地嘅飯係偏酸，搶晒魚生本身嘅鮮味。其次唔明點解會安排兩件池魚壽司😂師傅解釋就話係因為兩件來自唔同縣，但我自己就唔覺有明顯分別。第三係最令我期待嘅拖羅係食到有筋，以往我去其他價位較平嘅omakase都唔會有呢個問題。
春魚
9 views
0 likes
0 comments
北海道胺康魚肝
13 views
0 likes
0 comments
富山縣鰹魚刺身
7 views
0 likes
0 comments
大拖羅-蛇腹位
11 views
0 likes
0 comments
如果只係味道唔理想我都未至於會差評一間餐廳，但佢地嘅服務同樣不可恭維。一入到餐廳我地問職員大概會有咩食，佢地就只係簡短咁答師傅會安排。開始用餐後師傅都會大概咁介紹下每件壽司，我唔係經常食omakase，所以對一啲陌生嘅魚類都會想知多啲，但果位師傅比我嘅感覺就只係背左啲基本資料，問多幾句就唔太清楚咁。
第二個令人卻步嘅位就係餐廳對每枱客人有明顯嘅差別對待。首先我地見到隔離枱嘅海膽軍艦（圖3）分量係比我地多，色水亦明顯唔同。最後嘅卷物師傅安排左一款瓜類卷（圖4）比我地（其實我冇expect過食omakase係冇特別request嘅情況下會有素菜卷），但就整左拖羅卷（圖5）比隔離枱食🙄咁嘅情況下我地當然追問點解大家比嘅價錢一樣，食嘅野係唔同喇，而師傅嘅回應係「我地冇話唔食個瓜卷」。其實佢事先冇問我地想食拖羅多啲定瓜卷多啲，又整好係我地面前，我地點會知原來係可以轉其他🙄加上我地並無講過我地唔鍾意拖羅，正常人都會prefer拖羅卷多過瓜卷掛。雖然最後佢都有整番個拖羅卷比我地，但要開到口問個感覺都好差。
第三樣野係我地係落booking同confirm booking嘅時候都有講我地係去慶生嘅，但餐廳就一啲安排都冇，好似完全冇左件事咁。我唔肯定餐廳係唔記得左定對呢類慶祝活動冇特別安排，但同果係後者嘅話，落booking嘅時候係咪唔應該有呢個option 比客人揀呢？但因為食到最後其實我都唔特別想再係到留太耐，都冇特別去提醒佢地。
其實揀餐廳前我都有做足reseach先去，甚至有朋友食過都話係唔錯，所以我唔知今次係個別師傅問題定點，但只憑我自己嘅用餐體驗黎講，就覺得係有種貼錢買難受嘅感覺，唔推薦大家去試。
赤海膽
7 views
0 likes
0 comments
前菜-鰻魚BB
13 views
1 likes
0 comments
素菜卷
5 views
0 likes
0 comments
兵庫縣赤上生蠔
4 views
0 likes
0 comments
燒北海道帆立貝
6 views
0 likes
0 comments
8 views
0 likes
0 comments
Post
