哈豆

Open Now

Now Closed

今日放假，瞓到黃朝百晏，兩三點約朋友去APM行街，行到咁上下攰攰地，想揾地方坐下，食下野，但又唔想食商場啲貴野，於是就決定去工廈，睇下有咩啱食，出左商場行左唔洗5分鐘，就揾到呢間哈豆呢度環境非常不錯，坐位闊落舒適，特別欣賞佢幅手工牆，入面畫晒台灣值得遊覽嘅地點，好似係平溪放天燈、高美濕地等等，真係幾靚嫁我地唔算太肚餓，主要係想飲下野，傾下計，所以叫嘅野食唔多，但樣樣都好好味第一樣想介紹嘅，係呢個魚鬆肉燥時菜，真係估佢唔到咁好味，魚鬆同肉燥咸咸香香，配埋蔬菜嘅爽甜，$30大大碟，我地兩個幾乎想encore我地仲叫左個滷水拼盤，入面有齊豆腐、滷蛋、滷牛肉、雞翼同豬軟骨，全部都好入味，梗係喇，呢度原來係台灣人打理，難怪咁正宗我地每人仲叫左杯野飲，我揀左杯鮮榨檸檬椰果多多，檸檬清香，再加埋椰果同乳酸，好醒胃解渴而我朋友就叫左杯果茶，入面粒粒水果多，夠哂健康，不得不讚嘅係佢嘅器皿好靚，啱哂我地呢啲偽文青，而係度叫野飲，竟然仲有餅送，包裝好名貴咁，食落好好味，唔知係咪台灣特產黎嫁呢？要敘舊、high tea嘅話，呢度真係一個好地方，皆因環境乾淨、野食好味，而且服務好，最重要係，佢地唔會好似連鎖餐廳