Rimi Cafe (Closed)

有日經過旺角想和朋友去cafe吹下水食下野，就心血來潮咁入咗呢間rimi cafe。一入到呢間cafe發現原來可以選擇坐卡位或地上鋪上軟墊的座位，我和朋友想坐得舒服d就揀左卡位。而且這間cafe有不同種類的旅遊書和board game,有得食又有得玩，環境十分休閒。我叫朋友一坐底就叫了party set的2人餐，首先上的前菜是蒜蓉包和雜菌忌廉湯，蒜蓉包充滿蒜蓉牛油，香脆十足，而雜菌忌廉湯的菇味十分濃郁，質感細滑。我和朋友分別點了蜜瓜綠茶和藍莓紅茶，這兩杯分別用綠／紅茶和水果糖漿溝成，味道不會太甜。第一道菜蒜片牛柳粒，這碟菜的牛柳粒熟度剛剛好，而蒜片炸至色澤金黃，香濃的蒜味令人差點忘記這碟菜的主角是牛柳粒，不錯!第二道主菜是意式青醬雞絲炒闊條麵，這道菜的味道十分平衡，青醬濃郁而不太肥膩，闊條麵軟硬適中，而雞絲十分嫩滑，令人一試愛上。最後一道菜是香草烤春雞配薯菜，這道菜最難的是要令雞肉受熱平均，而這道菜做到了，每啖肉包括雞胸肉都十分嫩滑。雞皮燒至香脆，表面也塗上香草和牛油， 配上特製香濃的醬汁，十分惹味。