The Coconut (Closed)

彩虹粉:有蘿蔔，豬紅，肉丸，魷魚，肥牛，一塊脆皮，紅色嘅河粉，湯底味道可以。清甜嘅味道。分唔清楚係味精嘅甜定係材料本身嘅鮮甜，但係我覺得兩樣都有。整體湯嘅味道可以比7分。唯一美中不足嘅就係湯嘅熱度唔夠。作為一個粉面同埋一個大型品牌唔應該有咁嘅效果。但係材料嘅應用同埋份量都10分充足。下午茶$52來講還算可以但係有+1服務費。海南雞飯.飯入邊有放脆皮片，但係同樣飯嘅溫度唔夠，本身係油飯。飯既溫度會有影響食慾。但係海南雞本身嘅肉質同埋配嘅醬料都係滿意。同一般喺出邊食嘅海南雞飯差唔多。冇咩特別嘅驚喜酸辣去骨鳳爪沙律:味道唔夠。份量都係大概三隻即係開邊六隻。以呢個價錢來講。性價比唔值得推薦。但係貼心抵讚嘅係有配備其他嘅醬料包括陳醋。調味料。泡椒。可以自己去加味。加完之後還算接受。整體來講都係唔錯，以品牌同埋連鎖來講，可以達到滿意嘅要求。