阿麥廚房 (Closed)

星期六晚約左幾個fd係呢道食飯閒聊，7:30就到左。間店唔太大，一眼望哂，但都算坐得舒服。點左個香草忌廉煙三文魚闊麵同bbq rib set dinner 加個焗雞翼。跟餐包埋湯、沙律同野飲。先講個雞翼，係幾香，不過嫌佢冇咩味。所以都只係一般。餐湯呢就係意式雜菜湯，味道岩岩好，不太酸。主菜方面，兩個份量都相當大。闊麵好creamy,有好多煙三文魚。麵質好咬口到個rib， 真係勁大份，又唔算太辣，好入味，估佢唔到。三個女仔兩個set夠哂飽！但估唔到既係間野8:30pm 已經last order, 10:00 收工，我地都好surprise ! 好少係銅鑼灣收咁早。不過店主都好好，我地傾到十一點半先走，都冇趕我地。埋單都只係$150 個人，性價比好高，一定會再黎！