Simplylife Bakery Cafe (Closed)

呢間餐廳有幾間分店，間間嘅門口都擺晒d靚靚酥點，引到人流晒口水，所以成日都要等位。今日放假，終於比我可以嚟個悠閒生活態度，同呀媽去嘆下午茶，仲要唔使等位❨<-因為係閒日❩。餐廳裝修感覺高檔，食物賣相都很靚呀! 雖然下午茶餐牌只有幾款，但都諗到我頭都爆! 實在樣樣都想食。最終叫咗酵酸種麵飽配山羊芝士、火箭菜、巴馬臣芝士、醋烤紅洋葱，貪佢個名夠長，包冇死，茶餐仲有薯條同飲品配添，飲品就叫咗店員推介嘅雜莓茶冰。價錢唔貴wor﹐$48❨未計加一❩。高檔餐廳嘅麵飽果然係唔同d﹐口感都扎實d。紅洋葱好多，仲咗d松子， 第一次咁樣食法，都幾好食。至於杯雜莓茶冰茶，有一小件檸檬，幾片薄荷葉，甜度剛好，雖係跟餐嘅餐茶，都非常有誠意。