食得棧清湯腩王

Open Now

Now Closed

喺香港以牛腩作招徠嘅舖頭唔少，有啲以湯底取勝，有啲喺牛腩上下苦功，只能顧此而難免失彼。但要湯底、牛腩、配料都全面兼顧，估唔到反而喺廟街街角食得到。         做牛腩無速成，一定要夠時間燜，先會入味同鬆化。同理，蘿蔔要好食，無根入味同樣靠時間。呢度嘅湯底係用珍珠貝同魚熬成，湯清鮮甜，蘿蔔盡吸湯頭精華，無渣腍甜。牛腩全部半肥瘦，可能我好彩，牛腩重牛味，無渣，盡得清湯腩之妙。最驚喜係上枱前，除咗葱，仲會落唐芹， 配上熱湯，令香味提升，十足潮洲風味。        煮牛腩各師各法，但要湯、腩、蘿蔔都同時有高水準，暫時只喺呢度搵到。