山東餃子館 (Moved) New Location

呢間餃子店我已經黎過好多次，每次突然想食餃子既時候都會黎～今次帶朋友黎捧場，佢地點左好多款唔同味既餃子😆 我自己基本上次次都係食餃子，今次突然想點其他野食試下～之前已經好想試下呢個雞絲拌麵！果然無點錯！醬汁同埋清新既青瓜絲夾埋一齊食，真係一流！配合埋好香的芝麻醬，唔單止唔蓋過本身雞絲既味道，反而又合度好處地將雞絲既味道再帶出黎～見到隔離枱點蔥油千層餅好似賣相幾唔錯於是我又點左一份。咬落好脆卜卜好鬆化，蔥味好濃好香，完全feel到係好新鮮整出黎，唔會食到好似好緊好多麵粉咁～而且我鍾意佢唔會好油膩，值得讚👍🏻