Video
Read full review
2023-02-10
29 views
放假終於得閒去踩單車，順路遊覽將軍澳新開嘅跨灣大橋🌉，夜晚就去埋澳南嗰邊搵食。呢頭有唔少餐廳，普遍都係行中高檔路線，呢晚幫襯咗嘅「Le Marché Steak & Frites」亦唔例外。店舖裝修幾靚，設有唔少梳化座位，適合一班人聚會，環境氣氛讓人舒服放鬆。另一邊廂，餐廳嘅店員們係雖然全男班👦🏻，但個個都好有禮貌同友善，並且愛心爆棚，樂於同小朋友傾偈耍樂👍。餐廳定價雖然唔平，不過勝在份量十足🍽，但我略嫌菜式選擇唔夠多，例如只得一款意粉，又無乜小食。如果兩個人嚟食就試唔到太多款。USDA Choice Natural Holstein Beef Ribeye 美國特選級天然「黑白牛」肉眼扒($468/16oz)，呢件牛扒不得了🥩，我成日都話牛扒要有返咁上下大小，食落先有滿足感。牛扒接近一吋厚，要控制好火候絕非容易🔥，因為好易整到外面過熟，入面又太生。我哋要求七成熟，廚師完美演繹咗有關定義，肉芯呈淡粉紅色，肉質軟腍又多汁。肉眼扒脂肪分佈均勻，唔會話邊位有成條肥膏，所以食落又帶點口感。牛扒冇乜伴菜，只得兩粒蕃茄仔同烤蒜頭。反而醬汁方面就幾繽紛🤤，例如有Gravy牛肉汁、Black Pepp
放假終於得閒去踩單車，順路遊覽將軍澳新開嘅跨灣大橋🌉，夜晚就去埋澳南嗰邊搵食。呢頭有唔少餐廳，普遍都係行中高檔路線，呢晚幫襯咗嘅「Le Marché Steak & Frites」亦唔例外。
店舖裝修幾靚，設有唔少梳化座位，適合一班人聚會，環境氣氛讓人舒服放鬆。另一邊廂，餐廳嘅店員們係雖然全男班👦🏻，但個個都好有禮貌同友善，並且愛心爆棚，樂於同小朋友傾偈耍樂👍。
餐廳定價雖然唔平，不過勝在份量十足🍽，但我略嫌菜式選擇唔夠多，例如只得一款意粉，又無乜小食。如果兩個人嚟食就試唔到太多款。
USDA Choice Natural Holstein Beef Ribeye
$468
4 views
0 likes
0 comments
牛扒冇乜伴菜，只得兩粒蕃茄仔同烤蒜頭。反而醬汁方面就幾繽紛🤤，例如有Gravy牛肉汁、Black Pepper黑椒醬同Homemade Hollandaise荷蘭蛋黃醬。另外，佢連Mustard芥辣都有四款揀，分別有英國、德國同兩款法式口味。佢哋每一款都各有特色，我幾鍾意個蛋黃醬🍳，惹味得來、唔會搶咗牛扒光芒。不過由於件扒本身高質，所以輕輕沾少少鹹，食返原味已經好正。
Baked Alaska Halibut
$248
11 views
0 likes
0 comments
Baked Alaska Halibut 烤阿拉斯加比目魚($248/300g)，餐廳以紙包焗魚嘅煮法處理🐟，咁樣就能夠鎖住肉汁，而且亦令調味更入味。比目魚頗巨型，厚度同牛扒有得揮。白身魚魚肉嫩滑，兼且富有彈性、唔鬆散；而魚皮則微脆。廚師將洋蔥同蕃茄仔等食材🧅，放上魚柳一同焗製，並同時滲出牛油香。整體調味清爽簡單，更能突顯食材嘅鮮味。
Creamy Spinach
$68
6 views
0 likes
0 comments
Unlimited Fries無限量薯條，餐廳嘅其中一個賣點就係任食薯條🍟。我哋落單無耐，店員就先送上一兜熱辣辣、新鮮炸起嘅薯條。薯條偏幼身，似麥記嗰種，不過就做到外脆內軟嘅效果。但綜合而言又未算太難忘，所以就未有Encore。
飲品方面🍹，我哋嗌咗兩杯冇酒精嘅特飲Mocktail($58)，藍色係Blue Lagoon，而橙色就係Shirley Temple。佢哋鮮艷嘅顏色，令我擔心味道會好甜或好假。不過出品係正常嘅，藍色嗰杯偏向檸味🍋，而橙色嗰杯嘅底估計係用上薑味汽水Ginger Ale，夠晒汽。
總括嚟講，估唔到將軍澳竟然有一間咁出色嘅扒房，牛扒水準好高，可媲美星級酒店餐廳🌟。即使佢定價同購物旺區嘅餐廳差唔多，但我認為係對得住個價錢。鍾意食牛扒嘅話，不妨一試！
Post
