Video
Read full review
2019-05-30
735 views
今年第二次去海洋公園，朋友一早book定今晚食呢間餐廳（我地大家都好鐘意食泰國菜😆）！最重要係啱行程，我地可以玩到6:00公園關門前去食野，咁樣可以玩盡d, 又可以食得盡興d! 其實book左7:00，不過湊住小朋友真係好多變數，6點我地已經可以入坐，可能今日星期四，閒日冇乜人，一去到就可以入坐，職員好好禮貌，而且非常細心，知道我地有小朋友，首先帶我地去放車仔區安頓好，同時佢地已經有staff喺另一邊安排好我地既坐位，並且放埋BB櫈，幾有效率，扺讚。呢間餐廳室內環境唔錯，好寬敞，座位舒服，我哋兩大一小，佢安排左一張四人方枱俾我哋。安頓落來就叫嘢食啦。我地叫左👇🏿飛天通菜，個staff好好，知我地有小朋友，提我地個菜有小小辣，建議我地走辣。菠蘿炒飯，外觀來講我好鐘意，因為個碟好靚😍食物來講，佢好足料，有蝦，帶子，青口等海鮮，而且都吾小，仲幾新鮮下，菠蘿好甜，一d都吾酸，味道啱啱好，吾會過咸同埋吾會油淋淋 ，冇乜味精味，所以呢個好讚。泰式串燒（豬，牛，雞），由於食咗一半先醒起未影相，所以得兩串🤣比較淡口味，但係如果食開清淡嘅人，就會覺得好好食，所以我都幾鍾意食，牛肉一啲都唔韌，雞同猪就吾係
其實book左7:00，不過湊住小朋友真係好多變數，6點我地已經可以入坐，可能今日星期四，閒日冇乜人，一去到就可以入坐，職員好好禮貌，而且非常細心，知道我地有小朋友，首先帶我地去放車仔區安頓好，同時佢地已經有staff喺另一邊安排好我地既坐位，並且放埋BB櫈，幾有效率，扺讚。
呢間餐廳室內環境唔錯，好寬敞，座位舒服，我哋兩大一小，佢安排左一張四人方枱俾我哋。
安頓落來就叫嘢食啦。我地叫左👇🏿
23 views
0 likes
0 comments
飛天通菜，個staff好好，知我地有小朋友，提我地個菜有小小辣，建議我地走辣。
11 views
0 likes
0 comments
菠蘿炒飯，外觀來講我好鐘意，因為個碟好靚😍食物來講，佢好足料，有蝦，帶子，青口等海鮮，而且都吾小，仲幾新鮮下，菠蘿好甜，一d都吾酸，味道啱啱好，吾會過咸同埋吾會油淋淋 ，冇乜味精味，所以呢個好讚。
7 views
0 likes
0 comments
泰式串燒（豬，牛，雞），由於食咗一半先醒起未影相，所以得兩串🤣比較淡口味，但係如果食開清淡嘅人，就會覺得好好食，所以我都幾鍾意食，牛肉一啲都唔韌，雞同猪就吾係太特別。
10 views
0 likes
0 comments
青檸梳打，基本上食親泰國嘢我都一定會叫嚟飲，一般出邊飲都會落少少糖漿落去，但係佢就冇，而且係一啲甜味都冇，所以酸味就比較出，本身鍾意飲甜野嘅人，叫呢個嘅時候就要諗一諗，又或者問吓啲Staff有冇得加糖。
18 views
0 likes
0 comments
好窩心，食完野有甜品送，辣椒同蒜頭造型嘅朱古力都係第一次見，黑色果粒朱古力係薑糖味嘅朱古力，好特別，好好味。另外果兩款就普通白朱古力嘅，但係誠意加分。
最後個staff仲送咗一次扭蛋機會俾小朋友（私人送），小朋友好開心。佢仲提我地，下次如果嚟食，而又約左喺海洋公園關門後嘅時間（ 6:00pm ），佢哋會有專人喺海洋公園門口接待，帶我地入去食。所以如果鍾意食又唔想入場玩嘅，都可以提早預約並且預先同佢哋講。佢哋就會安排人手接我哋入去食。
總括而言，呢間餐廳嘅食物相對地係清淡D嘅，如果鍾意食濃味嘅人就可能會覺得比較淡，但係餐廳環境好舒服，兩口子食一餐浪漫嘅晚餐又得，一班朋友gathering又得，湊小朋友都得，而且呢間主打海鮮，佢啲海鮮都好新鮮。價錢屬於中上，不過入得海洋公園，又想喺入邊食埋飯，應該都預較高少少嘅價錢嘅（純粹個人諗法😆）。
Post
