반찬앤쿡 Banchan and Cook (太古城中心)

Open Now

Now Closed

🍯蜜糖無骨炸雞 香甜蜜糖X鬆脆炸雞，炸皮香口零油膩，雞皮仲卜卜脆，雞肉唔會炸到好乾，沾上蜜糖惹味又滿足。半份炸雞份量剛好，仲有脆薯條炸年糕伴碟。🥩 燉牛肋骨蛋包飯另一推介係餐廳嘅蛋包飯，蛋香十足之餘仲好細滑，切開會有蛋醬慢慢流出，送飯一流。而燉牛肋骨有兩大舊肉，好入味肉質又濃郁，燉煮勝在唔會變乾變嚡熠熠，仲有紅白蘿蔔各清甜而且滲透牛肉汁。🇰🇷韓式辣炒年糕點只年糕咁單調，加入韓國小食元素，有韓式煎餃子，韓式魚糕，芝士烚蛋及炒年糕，辣度配合香港人口味，主菜年糕煙靭又惹味。🐮北海道牛乳蛋糕甜品作結，牛乳蛋糕奶味豐富，入口香滑，如果蛋糕moist D，層次就更match! ☕️ 焦糖脆脆鮮奶咖啡• 🍫朱古力咖啡兩杯咖啡都十分香濃，焦糖脆脆的係latte，沒有再添加焦糖糖漿，所以唔會好甜，而朱古力咖啡也是dark chocolate做base所以同樣不會太甜，且香濃順口。