Video
Read full review
2008-04-30
22 views
新一年的開年飯, KC兄有新意思, 係度搞了局, 謝過安排了. 和式開年飯, 夠特別. 是晚係真的吃得開心, 飲得仲開心, 雖然我算係飲得少的.坐係店的後方, 十六個人自成一角, 環境幾好. 是晚的會席相當大堆頭, 酒也係一支接一支, 在此再謝過了. 未開始吃先飲酒, 一開始就飲檸檬酒, 真係好檸檬, 好似飲檸檬汁, 幾特別呀, 哈哈!! 先付: 松前漬, 椎山漬, 昆布胡瓜酢, 蒜頭漬: 8分, 先來四碟先付, 用來送酒也不錯. 蒜頭漬都幾受歡迎, 但係小弟食完而個之後, 返到屋企文迪話我成口一陣味. 要你同埋你身邊人受得蒜頭味先好食而個. 也幾喜歡昆布胡瓜酢的昆布, 不過就麻麻硬硬的松前漬同椎山漬.霜火焰赤身: 8分, 跟著係兩客造里, 這個霜火焰赤身, 用上沙律汁, 跟平日吃開的不一樣, 都幾特別的.立魚薄切: 7分, 望上去的賣相係不太靚, 色澤只係麻麻地. 不過吃落口都幾爽口的, 我全程無點醬一樣得.鯖魚箱壓壽司: 9分, 跟著到壽司了. 共有三樣. 最受注目的當然係鯖魚箱壓壽司. 雖然不算係最當做的時間, 鯖魚依然係相當之肥美. 本身鯖魚也有不輕的腥味, 但係面頭加上的昆布
坐係店的後方, 十六個人自成一角, 環境幾好. 是晚的會席相當大堆頭, 酒也係一支接一支, 在此再謝過了. 未開始吃先飲酒, 一開始就飲檸檬酒, 真係好檸檬, 好似飲檸檬汁, 幾特別呀, 哈哈!!
先付: 松前漬, 椎山漬, 昆布胡瓜酢, 蒜頭漬: 8分, 先來四碟先付, 用來送酒也不錯. 蒜頭漬都幾受歡迎, 但係小弟食完而個之後, 返到屋企文迪話我成口一陣味. 要你同埋你身邊人受得蒜頭味先好食而個. 也幾喜歡昆布胡瓜酢的昆布, 不過就麻麻硬硬的松前漬同椎山漬.
霜火焰赤身: 8分, 跟著係兩客造里, 這個霜火焰赤身, 用上沙律汁, 跟平日吃開的不一樣, 都幾特別的.
立魚薄切: 7分, 望上去的賣相係不太靚, 色澤只係麻麻地. 不過吃落口都幾爽口的, 我全程無點醬一樣得.
鯖魚箱壓壽司: 9分, 跟著到壽司了. 共有三樣. 最受注目的當然係鯖魚箱壓壽司. 雖然不算係最當做的時間, 鯖魚依然係相當之肥美. 本身鯖魚也有不輕的腥味, 但係面頭加上的昆布就中和了那份腥味. 壽司飯壓得好工整. 果然係高水準之作. 只係分得半件, 不夠候.
海老箱壓壽司: 8分, 另一個箱壓壽司係海老. 蝦也新鮮的, 箱壓的壽司飯也係好得, 不過比起鯖魚就較為失色了.
元祖醬油壽司: 7分, 醬油味不太入味, 吃不到醬油壽司的感覺. 三客壽司中, 以這個比較令人失望.
牛油果軟殼蟹卷: 8分, 也有一客卷物牛油果軟殼蟹卷, 感覺上比較港式的一客. 牛油果幾新鮮, 軟殼蟹也幾靚, 不太油. 還好文迪是晚不能參加, 否則她要到這一味先叫做有得食啱食.
雞肉大蔥卷: 7分, 一品係這個雞肉大蔥卷, 也是不太和式的一味. 雞肉都幾嫩滑的, 不過不太喜歡搭上大蔥這個吃法.
關東煮: 6分, 鉢餚係關東煮. 套用了KC兄的一句關西佬的關東煮, 結果也大概知道. 味道比較淡, 蛋不太入味.
山菜燒蠔: 6分, 燒物有兩客. 這個燒蠔係小弟全晚覺得最不和式的一味. 效果坦白講只係一般. 吃不到蠔的鮮味, 加上小弟那隻燒焦了, 感覺麻麻.
冬菇鯖魚燒: 9分, 另一個燒物就好出色. 鯖魚燒得剛好, 好香口, 不太腥, 魚肉吃落口幾嫩滑的, 不太老.
鳥唐揚: 7分, 揚物有兩樣, 炸雞其實都係大路的食物, 不過是晚的係炸得偏乾身, 雞肉比較老.
南瓜併蕃薯天婦羅: 8分, 兩款炸物中, 天婦羅比較好, 炸得不會太油, 熱辣辣, 香口, 不過係嫌炸漿多了點.
炒烏冬: 7分, KC兄見大家不夠飽, 臨時加碼要了炒烏冬同埋炒飯. 炒烏冬比較濕, 一般的.
炒飯: 8分, 炒飯反而幾好, 炒得乾身, 飯粒粒分明, 仲幾香口.
芝麻雪糕: 8分, 甜品係兩款雪糕揀一款, 綠茶芝麻中, 小弟都係偏愛芝麻. 是晚的芝麻雪糕, 芝麻味幾香, 也幾滑, 吃完好滿足.
炸魚皮: 8分, 最後店方還送了客炸魚皮, 脆卜卜的, 幾香口的, 送啤酒幾好, 不過去到個刻啤酒都俾人清盡了.
整體食物有水準, 服務也做足, 吃得盡興的一晚.
Post
