純燒鳥 (Closed)

🇭🇰 • 🍢 SKEWER2021最後2日啦～等我介紹一間由幾位姨姨們主理既日式居酒屋。呢間小店主打日式串燒，調味唔會過多，叫埋酒絕配呀🤩👍🏻呢度既串燒一份兩串，屬於中高既價位。根據經驗，我地唔肚餓就人均$250，肚餓就人均大約$400-$500🤣今次肚餓就叫左雞腎($48)、雞翼($54)、雞脾軟骨($46)x2、燒粟米($42)、燒薯仔($40)、燒牛脷($78)、燒豬頸肉串($58)、燒雞泡魚乾($78)、香草燒羊仔排($135)、金菇牛肉卷($78)；飲品就叫左烏龍凍茶($30)、可樂($28) [👦🏻💬熱綠茶或熱水$10/杯]。✍🏻整體黎講串燒都係好食既，唔係係咁落孜然粉/調味粉個d。搵幾樣黎講下先：▫️燒薯仔係燒成個美國薯仔🥔，燒完擺一大舊牛油🧈等佢慢慢溶，好邪惡但好好食🥲▫️燒粟米等得比較耐，但燒完係一粒粒軟軟地好甜既粟米，又係推介👍🏻▫️雞腎、雞軟骨同豬頸肉都係好食，無補充🤣▫️雞翼係雞全翼，用錫紙包住雞翼尖比我地可以用手食，不過今次燒到乾左d🤏🏻▫️香草燒羊仔排叫左七成熟，雖然無血水但感覺都係太生，下次叫八成熟先🤔不過羊仔排用香草燒得幾香口，一d都唔羶。▫️金菇肥牛卷熱到辣口，正