嵐山料理 (Closed)

當我知道有呢度既存在，已經係旺角既時代。呢晚行過呢頭，就買左野比自已食。即管試下炸蠔同炸芝士得唔得？炸芝士呢個炸芝士條雖然得三條，但個味道真係唔錯。有兩隻唔同既芝士，不過我唔記得叫咩名。記得深色既芝士係好食同香。另外淺色既芝士都幾好食，不過就無咁重芝士味。炸蠔雖然十九蚊先有三件，不過又係好值得食。個蠔都算幾大舊，而且炸粉唔厚。此外，個蠔都算幾新鮮，真係好正。蜂蜜芥茉薯條呢個又唔錯架，個薯條係新鮮炸。再配上惹味醬汁，個汁既味道好襯個薯條。辣辣地，真係好正。仲有，佢可以配雞扒，只不過20蚊。不過個雞扒就無乜特別。下次就試下炸羊扒，好似幾好食咁。整體上都唔錯，實有下次既。