Video
Read full review
2022-06-17
1557 views
估唔到距離天后地鐵站幾分鐘，就有一間空間感同採光十足嘅咖啡店！樓高兩層，採用落地玻璃，枱同枱之間距離唔會好近，相當寛敞，好岩黎hea返幾粒鐘！咖啡店以西式餐點為主，有齊主食、小食、甜品。估唔到環境掂之餘，食物同咖啡都唔錯。亦係pet-friendly！連🐶🐱都可以嘆冷氣呀~▪️Salmon Capers Spaghetti $115意粉軟硬適中，望落好淺色好似冇乜調味咁，但食落番茄嘅酸甜又幾突岀。加埋檸檬汁就更清新！意粉中加左唔少三文魚碎，經調味鹹鹹地，魚味濃郁~不過我就唔係幾鍾意佢綠色細細粒酸酸地嘅capers▪️Shakshuka $115成個鐵板上 夠晒熱辣辣！呢道北菲名菜以洋蔥、紅黃燈籠椒為基底，加入紅椒粉同番茄熬煮。食落酸酸地幾開胃，其香料味容易接受，不過就偏鹹左啲。上面仲有隻流心蛋同feta cheese！配左一塊塊薄餅，可以蘸黎食，但就唔太索汁，我就比較鍾意配麵包食多啲啦~▪️Ovenbaked Apple Crumble with Caramel Sauce $90有驚喜喎！雖然望落唔夠金黃，但Crumble食落超酥化！只帶淡淡嘅牛油香，所以食落都唔算好膩。而底下嘅蘋果粒，軟
咖啡店以西式餐點為主，有齊主食、小食、甜品。估唔到環境掂之餘，食物同咖啡都唔錯。亦係pet-friendly！連🐶🐱都可以嘆冷氣呀~
▪️Salmon Capers Spaghetti $115
意粉軟硬適中，望落好淺色好似冇乜調味咁，但食落番茄嘅酸甜又幾突岀。加埋檸檬汁就更清新！意粉中加左唔少三文魚碎，經調味鹹鹹地，魚味濃郁~不過我就唔係幾鍾意佢綠色細細粒酸酸地嘅capers
▪️Shakshuka $115
成個鐵板上 夠晒熱辣辣！呢道北菲名菜以洋蔥、紅黃燈籠椒為基底，加入紅椒粉同番茄熬煮。食落酸酸地幾開胃，其香料味容易接受，不過就偏鹹左啲。上面仲有隻流心蛋同feta cheese！
配左一塊塊薄餅，可以蘸黎食，但就唔太索汁，我就比較鍾意配麵包食多啲啦~
▪️Ovenbaked Apple Crumble with Caramel Sauce $90
有驚喜喎！雖然望落唔夠金黃，但Crumble食落超酥化！只帶淡淡嘅牛油香，所以食落都唔算好膩。而底下嘅蘋果粒，軟身得來保留左爽脆嘅口感，糖唔會落得太多，依然能夠品嘗蘋果嘅天然酸甜香味。當中更混入唔少提子乾。旁邊仲配左一大杯香甜嘅雲呢拿醬，balance返蘋果嘅酸~
▪️Homemade Churros with Chocolate Sauce $80
Churros外層酥脆，內𥚃軟熟，唔會過乾過實。入口帶蛋香，毫無油益味，拎上手都唔會覺得好油膩。旁邊配左朱古力醬，不過就偏甜左啲，如果可以濃苦啲中和churros嘅甜就好啦！媽咪就覺得呢個口感仲好食過twist & buckle，但我就prefer有咬口啲嘅churros啦~
▪️Hot Cafè Mocha $55
咖啡同朱古力都幾balance，入口微酸帶花香。而隨住温度下降，朱古力變得越嚟越突岀。甜度唔會太高，都幾岩我心水
▪️Hot Earl Grey Latte $60
伯爵茶清香而突岀，奶味相當低調。整杯甜度低，完全唔膩口，連平時唔太飲牛奶嘅媽咪都覺得唔錯
Post
