鳥元炸雞專門店

Open Now

Now Closed

每次經過見到鋪仔細細，賣炸雞！仲要係KFC隔離，會唔會做唔住！為左保住尼間出色小店！我要寫返個食評！因為佢既炸雞係我食過既最出色！！我叫既係下午茶，炸雞一件架三粒章魚丸，加一罐可樂（不過我加2蚊飲日版CC lemon).價錢30蚊，比隔離下午茶係貴DD, 份量上係較少。不過味道真係好出色（炸雞）先講章魚丸，食落好熱既。唔會係放到凍晒淋晒，當然章魚粒冇日本大阪個D咁大，味道都唔錯。特別灑係上面既木魚絲！好味（本人最中意食）整體上叫唔錯，不過細粒左D, 入面有少少菜，同埋較脆身。炸雞！！ 真係好好食，第一下咬落去！脆！！ 再咬深D, d雞汁標出黎（係皮脆肉嫩）！雞肉入味，唔洗點任何調味！食落唔油，一定唔會食滯！ 唔會有脆漿炸粉（似係生炸），但係較細件！ 真係食完一舊唔夠！想再食！為左支持小店！ 要出一出食評呀！有質素！大家經過要支持下！同埋見老闆好似接外賣，可以打去落單，因為堂食係冇咩位。