聰嫂‧原素 (Moved) New Location

有日放假，約朋友特登黎試吓午餐。因為年紀大了，我們都比較注重身體健康，而家開始一個禮拜都會有幾日食齋。我係午飯時間來，已經滿座，估唔到而家香港人咁多人都食齋。我哋叫咗兩個餸，松露炒雜菇淮山和沙嗲粉絲。兩個餸都唔油，但香口，唔覺得自己食緊素，兩個lunch都有湯，和兩大碗白飯送，絕對飽肚，而且其實我哋唔係好食得晒。價錢唔算太平，但可以接受。唯一可惜，就是我在中環返工，唔可以成日嚟。返屋企自己試吓松露炒雜菇淮山，原來好難整得好食的。