Video
Read full review
2023-07-10
436 views
最近開始接觸素食，發現原來現代素食唔係想像中咁沉悶，今次黎到呢間2084，就係一間幾特別嘅素食餐廳。咁啱係附近staycation又無包到晚餐，就計劃左夜晚黎呢到食。可能因為係平日嘅關係，餐廳客人人數唔算多，而且今次坐左近餐廳門口嘅高枱，配合店內簡單嘅設計，格外chill同寫意。自己同朋友兩個人就叫左三樣野食，素牛肉生菜包、素魚扒咖喱(另外加配亞拉伯薄餅)同北京填菌。素牛肉生菜包可惜呢個唔記得咗影相，唯有只用文字評下。份量比較少，不過用嚟做兩個人嘅開胃菜都可以接受，素牛肉嘅調味同正常泰式生菜包一樣，同埋都幾辣，但始終係素牛肉，欠缺口感。而且生菜好細塊同埋有少少苦味，應該唔太新鮮。呢個菜式就稍為令人失望。素魚扒咖喱(另外加配亞拉伯薄餅)炸嘅素魚扒配搭用椰漿整嘅咖喱，岩曬啲唔鍾意食辣但又鍾意好香咖喱味嘅朋友仔。炸素魚扒以假亂真嘅程度，就好過素牛肉好多啦！當然會無左魚味，但口感上完全食唔出係素魚扒。加上配搭另外加嘅亞拉伯薄餅，望落雖然薄薄地好似好韌咁，但食落口好易咬開，點一啖咖喱連埋素魚扒食，非常惹味。北京填菌見到好多人嚟都會試呢個，即管試下！味道上冇乜大驚喜，因為都係主要食到海鮮醬同餅皮嘅
可能因為係平日嘅關係，餐廳客人人數唔算多，而且今次坐左近餐廳門口嘅高枱，配合店內簡單嘅設計，格外chill同寫意。
自己同朋友兩個人就叫左三樣野食，素牛肉生菜包、素魚扒咖喱(另外加配亞拉伯薄餅)同北京填菌。
素牛肉生菜包
可惜呢個唔記得咗影相，唯有只用文字評下。份量比較少，不過用嚟做兩個人嘅開胃菜都可以接受，素牛肉嘅調味同正常泰式生菜包一樣，同埋都幾辣，但始終係素牛肉，欠缺口感。而且生菜好細塊同埋有少少苦味，應該唔太新鮮。呢個菜式就稍為令人失望。
素魚扒咖喱(另外加配亞拉伯薄餅)
炸嘅素魚扒配搭用椰漿整嘅咖喱，岩曬啲唔鍾意食辣但又鍾意好香咖喱味嘅朋友仔。炸素魚扒以假亂真嘅程度，就好過素牛肉好多啦！當然會無左魚味，但口感上完全食唔出係素魚扒。加上配搭另外加嘅亞拉伯薄餅，望落雖然薄薄地好似好韌咁，但食落口好易咬開，點一啖咖喱連埋素魚扒食，非常惹味。
9 views
0 likes
0 comments
見到好多人嚟都會試呢個，即管試下！味道上冇乜大驚喜，因為都係主要食到海鮮醬同餅皮嘅味，每份有四個。特別在於波浪紋嘅餅皮同精緻嘅擺盤，打卡一流！
整體用餐嘅體驗唔錯，食物擺盤用心，味道上唔係完美但一啲都唔失禮，平日嘅晚上可以係西貢咁chill咁食一餐飯都係一個特別嘅體驗！
Post
