Video
Read full review
2023-02-26
639 views
之前喺外國食過好食嘅中東菜，返嚟香港一直想回味，所以一直research邊度有好食嘅中東菜，誤打誤撞之下，就約咗班friend過嚟呢一間餐廳碰吓運氣。嗰日係閒日夜晚，所以餐廳都冇乜人，用咗OpenRice Booking，一去到就有得入座。睇一睇個餐牌，發現坐落士丹頓街嘅呢個地段，啲嘢食都唔平🤭 雖然一早預咗，但係即管抱着一個「咩都試吓」嘅心態，根據佢嘅推薦嗌咗幾樣嘢食。前菜係鷹嘴豆泥配彼得包，彼得包烤得略乾。心目中正宗而且好食嘅鷹嘴豆泥應該係綿滑而且有忌廉感（其實同正宗而且好食嘅薯蓉差唔多）。但係味道似乎欠缺一種油香同 richness，面頭嘅車厘茄的確令到味道層次更加豐富，可惜鷹嘴豆泥口感較為粗糙，而且有啲酸，加咗蔥花點綴都無助於令呢味appetiser更加香。最後三扒兩撥，就連埋彼得包食晒。另外嗌咗一樣前菜係烤八爪魚，味道平平，份量極少，而且外圍嘅炸粉有啲淋zi zi，口感打咗折扣。而且只有一條好大同長嘅八爪魚觸鬚，唔明點解佢賣咁貴。主菜係烤肉拼盤配薯條同埋（又係）彼得包，價錢超過500大元，所以都有啲期望。嗰晚我哋三個男仔去食，估唔到份量都非常足夠， 豬、羊、牛、雞，各有兩串，
嗰日係閒日夜晚，所以餐廳都冇乜人，用咗OpenRice Booking，一去到就有得入座。睇一睇個餐牌，發現坐落士丹頓街嘅呢個地段，啲嘢食都唔平🤭 雖然一早預咗，但係即管抱着一個「咩都試吓」嘅心態，根據佢嘅推薦嗌咗幾樣嘢食。
前菜係鷹嘴豆泥配彼得包，彼得包烤得略乾。
心目中正宗而且好食嘅鷹嘴豆泥應該係綿滑而且有忌廉感（其實同正宗而且好食嘅薯蓉差唔多）。但係味道似乎欠缺一種油香同 richness，面頭嘅車厘茄的確令到味道層次更加豐富，可惜鷹嘴豆泥口感較為粗糙，而且有啲酸，加咗蔥花點綴都無助於令呢味appetiser更加香。最後三扒兩撥，就連埋彼得包食晒。
鷹嘴豆泥配彼得包
34 views
0 likes
0 comments
另外嗌咗一樣前菜係烤八爪魚，味道平平，份量極少，而且外圍嘅炸粉有啲淋zi zi，口感打咗折扣。而且只有一條好大同長嘅八爪魚觸鬚，唔明點解佢賣咁貴。
烤八爪魚
35 views
0 likes
0 comments
主菜係烤肉拼盤配薯條同埋（又係）彼得包，價錢超過500大元，所以都有啲期望。嗰晚我哋三個男仔去食，估唔到份量都非常足夠， 豬、羊、牛、雞，各有兩串，夾埋薯條，食到我哋捧住個肚。當中烤得最好嘅係豬，我覺得算係對得住個價錢，豬肉嘅肉汁完美保存，而且一啲都唔韌，咬落去仲有豬柳嘅彈牙感同埋肉香，我諗佢係用咗相當靚嘅豬肉。羊肉冇乜臊味，所以有一段時間我都唔係好知佢係羊肉😅 至於雞肉同牛肉，一般來講都唔韌，屬於正常水平。
烤肉拼盤配薯條
49 views
0 likes
0 comments
應佢嘅推薦，嗌咗一杯「希臘特產」香蕉smoothie, 坦白講我飲唔出有咩獨特之處，香蕉味唔太重，因為枱面嘅燭光，杯嘢飲咗冇幾耐就融化咗，純粹當係一杯清爽嘅果汁咁飲，喺食完一堆熱氣嘅燒烤食物之後，係幾解渴嘅😎
呢餐飯埋單每人$323 ，以中環來講，就當食環境同鋪租啦，不過如果講食物質素嘅話，我諗應該唔會有第二次啦👀
希望繼續努力發掘香港好食嘅中東菜🤔
Post
