Video
Read full review
2014-09-18
5936 views
哥哥人緣好，朋友多，而眾多朋友中亦不乏愛吃之人，當中有一位K哥哥，因得悉XO仔不時會於openrice及facebook刊登食評，所以就經哥哥介紹，兩個月前大家成為社交網站上o既好友，交流食經。與K哥哥做咗網友不久，細佬無意間發現咗原來佢都有喺openrice度寫食評，影出黎o既相仲非常專業，心諗有機會一定要拜師學藝 ！家兄乃大忙人一名，經常周遊列國，在港期間約會亦排得滿滿，碰巧上星期三我地三個人都有空檔，大家好爽快地就約咗出黎食晚飯。K哥哥好就得人，得知XO仔甚少過海，當晚特意揀選咗一家位於中環o既French Window Brasserie and Bar，方便我地憑單享用三個鐘頭免費泊車優惠，佢自己搭地鐡亦好簡易。French Window正門及走廊位置現正進行裝修工程，莫非係想擴充酒吧面積？！餐廳樓面高，燈光柔和，室內佈置裝潢新潮，餐桌餐具潔亮衛生，望出窗外又有靚景睇，感覺好有氣派 。此外，座位間空間足，完全冇擠迫感，亦唔會話好嘈，加上冷氣夠，坐落舒適清爽。餐廳如此格調高雅，食物價錢亦絕不低廉，食客竟然要用離餐廳頗遠o既商場洗手間，小肥不得不扣一分環境分 ！正如食評們所
K哥哥好就得人，得知XO仔甚少過海，當晚特意揀選咗一家位於中環o既French Window Brasserie and Bar，方便我地憑單享用三個鐘頭免費泊車優惠，佢自己搭地鐡亦好簡易。French Window正門及走廊位置現正進行裝修工程，莫非係想擴充酒吧面積？！餐廳樓面高，燈光柔和，室內佈置裝潢新潮，餐桌餐具潔亮衛生，望出窗外又有靚景睇，感覺好有氣派 。此外，座位間空間足，完全冇擠迫感，亦唔會話好嘈，加上冷氣夠，坐落舒適清爽。餐廳如此格調高雅，食物價錢亦絕不低廉，食客竟然要用離餐廳頗遠o既商場洗手間，小肥不得不扣一分環境分 ！
正如食評們所講，餐廳只有五位服務生 ，儘管當晚入座率只有六成左右，要搵個人幫忙落單、叫酒、加水等都要揮好耐手，好明顯係人手不足，亦即服務分被扣原因。雖則如此，XO仔都要公平啲講句，哥哥仔們都非常溫順有禮，態度唔會因自己忙碌而變得差劣。入座時當被問及到想先飲有氣定冇氣o既水時，小肥隨即答要水喉水，哥哥仔都好友善地解釋話餐廳並冇提供水喉水，仲建議我地不如飲熱水；哥仔客氣時，兩位哥哥都好識do，開咗枝白酒黎飲 。
K哥哥原來係Citibank Gourmet Pleasures Plus會員，於French Window用膳可享有七折優惠，不過唔包酒水。大家見唔趕時間，所以就先叫咗幾道小食同湯，索性慢慢食完先叫主菜，食夠熱野再叫甜品。
麵包籃：麵包籃中有白麵包同麥包，小肥因健康理由只可以食前者。白麵包皮層煙韌，包心軟熟，配角牛油都好香滑。正當細佬班門弄斧地投訴籃中o既麵包唔夠熱時，哥哥就解釋法國人其實好少會整熱啲麵包黎食，仲問細佬係咪冇留意到餐廳入口處有張麵包桌 ，因為服務生要等食客入座後先喺嗰度切出麵包，放進籃中，連同牛油一拼上枱。嘩，哥哥不但見識廣博，觀察力亦同樣好，XO仔又上咗一課 ！
Homemade Jumbo Shrimp Tartar（$208）：餐廳一共提供四款homemade tartar，眼見食評們都未有喺openrice度提及過珍寶蝦tartar，大家亦覺此乃最有特色o既一款，所以就抱住一份冒險精神叫咗黎試。半透明o既珍寶蝦tartar外表呈灰藍色，滑身得黎亦帶丁點爽脆，入口時散發著鮮香，仿如置身於法國小島上，身正吹來海風般，教人醉倒 ！兩位哥哥都激讚，唯獨個人覺得海鹽味稍為濃咗少少，如果醃製時師傅可以輕手啲效果應更佳。
Crab Cake on Celery & Apple Salad with Black Truffle Mayonnaise（$108）：蟹餅唔多夠熱，只屬和暖，雖然蟹肉份量足，而且鮮，可惜質感偏乾偏嚡，味道過咸，醬汁又唔夠松露味，個人覺得有需要改良。
Roasted Bone Marrow with Black Truffle Crust（$98）：French Window條燒骨髓係XO仔食過賣相最吸引，體積最大，價錢最超值o既一家 ！骨髓油滑，佈滿黑松露幼鹽粒o既面層濃郁野味，塗上伴碟o既多士一齊食，增添香脆感之餘又冇咁溜，同時亦無減其香滑度，精彩細膩！
Black Truffle Cream Soup（$108）：嘩，碗忌廉湯真係好大盅，而且面層可以清楚睇到一大團黑松露醬，証明好足料！忌廉湯稀杰適中，黑松露香濃得黎一啲都唔咸，雖然唔係好溜，不過始終飲完會成肚水，小弟建議大家都係叫黎分，留肚試多幾道菜式 。
Seafood Soup from Marseille（$138）：哥哥所叫o既海鮮湯多料多到佢要叫細佬影返兩幅相同大家分享，真係幾誇張。餐廳以其海鮮拼盤聞名，每晚應該都會剩餘不少海鮮，估計隔日食唔夠新鮮，所以就順理成章成為海鮮湯o既湯料。
Crunchy Suckling Pig with Dauphinoise Gratin, Braised Endive & Creamed Mustard Gravy（$308）：乳豬皮脆且唔肥，但肉質微乾，點上味酸o既醬汁，個人覺得冇乜特別，過得去囉。
據哥哥所講，另上o既Dauphinoise Gratin非常正宗，薯仔薄片軟腍入味，食得出芝士同忌廉唔係平價貨，French Window算係幾大方。
Duck Confit & Sauteed Potatoes with Rosemary & Garlic Scent（$278）：小肥唔多食法國餐，一生人只去過法國兩次，對法國名菜之一o既Duck Confit認識亦唔深，恕在下直言，鴨腿雖不肥膩，皮層好夠香脆，但鴨肉偏嚡同乾，而且味道超咸，唔係我杯茶囉！
French Lemon Pie Topped with Meringue（$68）：眼見咁多位食評都推薦此味檸檬批，我地當然係要一試真偽啦 ！檸檬批層批底薄脆，檸檬味o既餡同面層o既Meringue都好light，酸酸甜甜，消滯一流，$68一大件真係幾抵食！
Chocolate Mousse（$68）：相比起下，個朱古力慕絲就唔夠檸檬批出色啦，即使朱古力味濃郁，慕絲卻唔夠軟滑，而且好溜，不吃也吧！
由細到大，哥哥都比XO仔勤奮好學，知識豐富不再話下，由於哥哥觀察力強，冇偏食惡習，事事敢於嚐試，差不多遊遍世界各地，對各國o既食物文化認知程度更可稱得上為經驗之談，喺小肥心目中，哥哥就好似一本人肉百科全書，食物大詞典般，喺佢身上真係學多好多野！今次經哥哥介紹，結識到K哥哥，不僅偷師學咗兩道攝影竅門，仲可以喺環境咁優雅o既「法國窗戶」內一邊品嚐美饌，一邊學習法國餐o既文化，能夠以食會友，賞心樂事也！Post
