不籽是咖啡 (藝里坊・1號)

Open Now

Now Closed

早排先幫襯過油麻地既不籽是咖啡，今日經過西營盤，見到原來呢度都開左間不籽是咖啡，不如就試試啦。餐牌主食有燉飯，烏冬，意粉，全日早餐，沙律，小食，牛角包，牛角酥窩夫，吐司，同甜品。飲品除左咖啡之外，都有茶，朱古力，梳打，花茶，水果茶。冇加一。味增蟹醬蟹籽蟹肉扁意粉 $128一上枱已經聞到好香蟹膏味。扁意粉上面佈滿蟹肉，蟹膏，同蟹籽，仲有啡菇白菇同冬菇片，另外仲有甜脆洋蔥片，最後灑上香草。幼身扁意粉幾有咬口，唔錯，連菇菌一齊食更有口感。蟹膏味濃厚，鍾意食蟹人仕必試。龍蝦湯配牛油果大蝦稻庭烏冬 $128牛油果大蝦稻庭烏冬用木製大碗擺得靚靚，龍蝦湯就用個迷你水㷛裝住保暖。3隻大蝦爽脆鮮甜，另外仲有蟹肉碎。牛油果半個，好新鮮。龍蝦湯色澤橙紅，唔油之餘湯嘅味道冇另一分店咁鹹，呢個啱味啲。牛油果配龍蝦湯真係好新奇，但係又夾到。稻庭烏冬就稔左啲。另外仲有少少新鮮沙律菜同紫菜絲。今晚食少d，又講少d。