Boat Thai

Open Now

Now Closed

小朋友放假收爐啦～ 即刻出街食飯買新年嘢！我哋去咗尖沙咀食泰國嘢，行完街啱啱好有位，呢度抵食又好味。 我哋嗌咗好多嘢食啊，海南雞配油飯真係必食推介😋 海南雞肉好嫩滑，雞皮爽脆，配埋海南雞豉油真係好好味！佢哋食到添飯🥹🥹呢度啲小食都唔錯，蝦餅份量十足👍 鍾意食煎炸嘢嘅一定唔可以錯過！仲有仲有，豬頸肉都好味，配埋少少香辣味嘅醬汁更加惹味。呢度嘅菠蘿沙冰都好味，有好多菠蘿粒粒！最後記得留肚食芒果糯米飯，香甜軟糯，泰式晚餐畫上完美。