堅離地 7 PO (Closed)

好想香港有多啲呢種價錢合理，又有自己特色嘅小店。喺出面望入去已經見到排好靚嘅彩色玻璃吊燈，連枱面張餐墊都喺中東風好得意👳🏻✧ 中東雞羊串燒配皮塔餅 $𝟟𝟠好耐無食過kebab，一上菜嘅時候發現得嗰一塊pita bread呆咗🙈 d肉燒得幾好但如果個羊重少少羶味同多啲香料味會惹味啲。✧ 無花果石榴沙律 $𝟞𝟝除咗生菜之外無其他菜，調味得沙律醬再加少少芝士，有少少單調，但好彩無花果唔算太少。✧ 水牛城辣汁雞翼 $𝟟𝟠個調味又係好似比較單簿，淨係食到Tabasco味，食唔到茄汁嗰種甜酸味。粉漿有啲太厚，不過外皮炸得夠脆，入面肉嘅生熟度啱啱好。