.TAPS (Closed)

特登入西貢諗住去cafe，本身想去果間cafe太多人唯有揾其他。見依間冇人等，舖頭環境都尚可，諗住都冇所謂嘅。一入去其實個女waitress都好有禮貌，餐牌啲嘢食相同埋啲名睇落去都唔伏。嗌左蕎麥冷面，點知嚟到，點冷面果啲堅魚汁係加埋啲冰，心諗一夾咪夾埋啲冰（？）嗌埋佢嘅甜品，menu寫到明係芝士蛋糕，食落去完全大跌眼鏡，唔知係唔係雪左好耐然後擺返落去微波爐解凍，咁嘅芝士蛋糕都要收我四五十蚊。食野途中無啦啦聽到廚房有把男人聲鬧人地啊媽，唔知佢係鬧緊員工定點，間舖頭唔大又鬧得咁大聲真係會嚇親人。