大紅袍火鍋料理 (Closed)

靚湯嘅火鍋湯底，一直都係我所追求嘅！今次嚟咗朋友介紹嘅大紅袍火鍋店品嚐佢哋近期最人氣嘅美顏養生「金屋藏嬌」湯底！🌟用咗冬瓜、蟲草花、杞子、紅棗、淮山等嘅養生材料，仲有娃娃菜、竹笙同大大件美顏嘅花膠，配以新鮮雞熬煮多個小時嘅靚湯，真係足料又鮮甜～超！好！飲！咁滋補養顏嘅靚湯，我咗飲咗三碗先開始放啲火鍋配料落去，真係好滿足😍重點係隻雞肉質依然非常鮮嫩！讚👍🏻呢度嘅食物都好多選擇，連刺身都有！為食嘅我梗係要乜都試吓啦！😛🐟活𩶘魚刺身拼三文魚及北寄貝全部都非常新鮮冇得彈，𩶘魚好鮮甜，肉質非常爽口彈牙！厚切嘅三文魚都好肥美，北寄貝夠厚肉！🥩本地手切肥牛牛味非常濃郁，口感鮮嫩，大概燙10秒鐘左右就ok! 🐚花甲肉質肥美又清甜，同湯底超夾🫶🏻✨蟶子好新鮮爽口，鮮味至極！👻鬼馬蝦膠脆卜卜油炸鬼釀咗彈牙嘅蝦膠同埋粒粒飛魚子，口感層次豐富。🐝蜂巢豆腐打邊爐必備火鍋配料，索盡湯底嘅精華，超好食😋🥬油麥菜一樣都係好新鮮，火鍋必食！最後店員仲送咗榴槤雪糕俾我哋食，口感幼滑得嚟爆發榴槤嘅飄香，真係好正😋最後要大讚呢度嘅店員好友善，服務態度好殷勤！同埋個湯底真係令人回味無窮！值得推薦再encore呀😻