Plato Cafe & Bistro (吳松街)

同客人開會開到好夜，客人話公司附近有間café晚市都幾抵食，咁試試。餐廳都算大，裝修幾有特色，晚市2人都可以安排到4人位，唔錯。晚市提供好多種dinner set，今晚試下單人套餐，揀咗美國聖路易斯豬肋排同熱奶茶。套餐包埋麵包，是日餐湯，主食同飲品。同事揀咗煙三文魚班尼迪斯蛋早餐同熱榛子拿鐵咖啡。是日餐湯係粟米湯，飲落好cream，粟米味都幾重，唔錯。麵包烘得熱笠笠，食落好鬆軟，OK。熱榛子拿鐵咖啡唔錯，少少榛子味，咖啡已經夠甜，唔洗再落糖。煙三文魚班尼迪斯蛋早餐好豐富，有巴馬火腿，法蘭克福香腸，炒雜菌，沙律同哈密瓜。班尼迪蛋做得好高質，切落真係流心嘅。最底係用咗窩夫底，係有少少特別。醬汁配埋流心蛋，三文魚同窩夫一齊食，真係冇得輸。同事食完2件尼迪斯蛋已經超飽！哈密瓜勁甜，同巴馬火腿一齊食，好chill。美國聖路易斯豬肋排好大一件，仲好厚身TIM。豬肋排燒得啱啱好，皮有少少焦香。BBQ醬汁好惹味，搭配埋豬肋排一齊食一流。套餐搭配埋薯條同沙律，薯條炸得脆啵啵，沙律菜好fresh，全份食晒真係超飽肚！最後飲杯奶茶真係輕鬆晒，哩間café真係唔錯，今次太夜唔想食太多，下次要揾埋FD一齊試下雙