Video
Read full review
2018-11-13
1516 views
前排經過見到呢間"聚福樓"，以為係中式野，細閱門口水牌先知原來係西餐廳，見幾弔詭就心思思想黎試下餐廳佈局同店名好大反差，佈滿木桌椅、植物、藝術畫，走田園小清新CAFE風格。連餐牌都好鬼馬，每個菜式名都難以揣摩到底係咩黎，明明每隻字都睇得明主要材料係沙律菜加士多啤梨、覆盆子、藍莓同車厘茄，出面好少會用呢啲成本較高既生果～沙律用左黑醋簡單調味，整體味道偏酸甜，食起黎好fresh好輕盈，最特別係加左香橙乾代替煙肉/麵包粒，有口感得黎又健康食西餐又點可以無pork ribs？豬仔骨塗上厚厚既燒烤醬慢煮，入味得黎肉質稔軟，一切即開，而且口感完全唔油，下面墊底既生菜仍然乾爽。而且仲好厚肉，唔係剩係得骨，蕃薯條香脆甘甜，同燒烤醬更夾。其實係大蝦明太子天使麵有五隻大蝦碌，每隻都新鮮爽彈明太子醬增添左鮮味咸香，醬汁調配得岩岩好，唔會太杰，蘑菇片同爽口既蘆筍配上幼身有咬口既天使麵，整體配搭好夾。抹茶拿鐵奶味較重，抹茶味幾出，唔會太甜。綠茶清新香醇，入口帶微甘，伴隨住陣陣茉莉香，飲落感覺寧神放鬆，中意飲茶既一定要試第一次見到咁與眾不同既餐廳，每道菜式都係個新體驗，要靠估黎點餐，搞到好想試哂佢個餐牌睇下到底係
前排經過見到呢間"聚福樓"，以為係中式野，細閱門口水牌先知原來係西餐廳，見幾弔詭就心思思想黎試下
餐廳佈局同店名好大反差，佈滿木桌椅、植物、藝術畫，走田園小清新CAFE風格。
連餐牌都好鬼馬，每個菜式名都難以揣摩到底係咩黎，明明每隻字都睇得明
聚福樓大哂健康沙律
$138
63 views
0 likes
0 comments
沙律用左黑醋簡單調味，整體味道偏酸甜，食起黎好fresh好輕盈，最特別係加左香橙乾代替煙肉/麵包粒，有口感得黎又健康
小豬仔好慢好慢咁去打排球
$228
41 views
0 likes
0 comments
食西餐又點可以無pork ribs？
豬仔骨塗上厚厚既燒烤醬慢煮，入味得黎肉質稔軟，一切即開，而且口感完全唔油，下面墊底既生菜仍然乾爽。
而且仲好厚肉，唔係剩係得骨，蕃薯條香脆甘甜，同燒烤醬更夾。
阿蝦話太子仔只喜歡天使的（你）
$148
26 views
0 likes
0 comments
有五隻大蝦碌，每隻都新鮮爽彈
明太子醬增添左鮮味咸香，醬汁調配得岩岩好，唔會太杰，蘑菇片同爽口既蘆筍配上幼身有咬口既天使麵，整體配搭好夾。
抹茶拿鐵
$44
29 views
0 likes
0 comments
抹茶拿鐵奶味較重，抹茶味幾出，唔會太甜。
茉莉花釀綠茶
$45
44 views
0 likes
0 comments
第一次見到咁與眾不同既餐廳，每道菜式都係個新體驗，要靠估黎點餐，搞到好想試哂佢個餐牌睇下到底係乜黎
Post
