板上 (中海日升中心) (Closed)

板上裝修有格調，坐位闊落充足，午餐以便當形式奉客，仲有得飲酒添。午餐便當的餐牌，選擇很多，而且價錢相宜。另一邊仲有cake同coffee添。有自助點餐機，啱晒貪快唔鐘意排隊嘅我。場內有free wi-fi提供，照顧返現代人嘅需要，抵讚！另外餐廳仲裝咗now，睇黎各大嘅體育盛事都可以喺度邊食邊欣賞。餐廳係自助形式，先到收銀處購票，然後就自由入座。喺等嘢食嘅時候，可以睇下電視，或者八掛望下食物嘅製作過程。等咗5分鐘左右就有嘢食喇。山賊醬燒燻蹄配珍珠飯 $5250蚊左右連埋罐裝汽水真係超值！肥肉香氣撲鼻，入口肥而不膩。中華沙律帶微辣，粟米有一點點牛油香，兩者都相當不錯。珍珠飯加入了少量飯素，會令人不自覺地扒多兩啖飯。板上照燒雞配珍珠飯 $45照燒雞真係有驚喜！甜甜的醬汁與煎至香口的雞肉非常配合。撈埋飯素飯一齊食，真係停唔到口。兩個人埋單唔洗一舊水，真係非常實惠。