老苔目 (Closed)

星期六，在太陽底下走了一整個下午，行到成身熱辣辣，胃口也沒有想像的好，晚餐來一碗簡簡單單的米苔目就最好不過。老苔目位於旺角黑布街，糖百府的對面，地方著實不大，全店約只得廿個座位，大部份都是四人檯，但坐落去又會覺得好擠迫，仲要同鄰座背貼背，應該唔會太舒服。等了約十五分鐘，終於等到全店唯一的二人檯，不用同人迫是好事，但店內冷氣又的確開得好大，坐了一陣已經覺得好凍。本來想試試紅燒牛肉麵，但其標價 $52，加一後直迫 $60，定價實在太過進取，反正都唔肚餓，還是揀番最基本的米苔目 ($18)，另加碟小吃就足夠了。米苔目的造型有點像粗身的瀨粉，但口感除了滑溜，亦稱得上粉 Q，感覺的確幾特別。麵線味道清淡，配上的湯頭則放了肉燥及韮菜，令整體味道更加甘香濃郁，也無可避免會帶少許油膩，但仍屬可以接受的程度，如果湯底再滾熱一點，相信會更吸引！小吃要了白玉翡翠 ($26)，即以椰菜包著紅蘿蔔絲及韮菜等配料，用料新鮮，也吃得健康，店方特別為此道小吃配上芝麻醬，可惜味道卻不太搭，情況有點弄巧反拙。小店的服務效率不錯，加水都加得好密，看看餐牌上的 logo，原來跟已撒離香港的阿土麵線屬同一集團的。總括而言，用廿