Hotel Chocolat (Closed)

早陣子online平台有遊戲登記換免費雪糕試食，不過我就搶唔到啦。佢自稱自己係神之雪糕，一場黎到比錢都點返一人一杯。可能裝修比較深色，好多人行過都無要行入舖頭的衝動。以朱古力專賣店黎講幾專業，簡潔整齊。雪糕可以選擇紙杯裝或脆筒裝，前者似乎比較大杯喎! 雪糕係牛奶原味，而糖漿則有3款選擇。我同朋友要左榛子同芒果熱情果味。店舖只做外賣食品，如果可以設張枱仔做企位會比較方便。份量都幾多，一杯大概係有一球半至兩球H牌雪糕的份量。雪糕主打低糖，入口的確清新，喉嚨唔會有粘住的不適。佢比一般雪糕挺身同無咁快溶，食唔到有冰粒。材料用既奶同香港人飲開既不一樣，帶有少少木調的香氣。雪糕的亮點係個醬上! 榛子係金莎味架，恨不得叫哥哥落多幾圈朋友則話芒果熱情果變化多點，係雪糕不可少的一部分。不過我都係比較鐘意主流雪糕的質感和味道。即使低糖較健康，總覺得甜品要夠甜先開心嘛。另外係因為係朱古力專門店，但雪糕附送的朱古力棒竟然係強國入口不溶的可可味道，連朱古力味也欠奉，試過你就會身同感受。本來對佢頗有期望，可能食唔慣外國口味的雪糕，感覺不是我杯茶。