The Stadium (Closed)

我真係好少寫咁負面嘅食評，但係今日真係食到成肚氣。我哋五人約1:20分到去到，落單後，三個餐來了，兩個牛扒等到1:50分都未黎。但眼見隔離檯遲過我地，都竟然已經食緊牛扒了。問佢地幾時有，我哋趕唔切要返工了。d侍應hea到爆，淨係識話牛扒要時間，會耐啲，大佬呀，耐到咁？仲要遲過我哋都有？！講嘢又細細聲，一d都冇意欲跟進。大佬呀，隔離檯遲過我地都食緊了。之後來了個男侍應，佢話幫我地取消左佢，之後就走左。之後眼見班侍應仲嘻嘻哈哈一大群吹水，完全一句唔好意思呀都冇，嬉皮笑臉！痴線，我地最後有兩個人係無餐架，另外三人草草食完就走。我哋冇講粗口只是因為我地都係斯文人咋。咁樣嘅態度，真係遲早趕走曬所有客，執笠也不會覺奇怪，亦都唔會可憐佢呀。