緣聚鮮鍋 (Closed)

今日放工約左老豆去荃灣食飯， 我地黎到餐廳果陣大概6點鐘，係門口揀左鷄煲既辣度（小辣）就入去。坐底之後老豆先出去拎野食，拎左炸番薯波，麥樂鷄，有少少凍左但點醬都好食既。鷄煲好快就上，煮5分鐘之後食得lu。 雞件都幾大件，肉厚，而且味道夠既。 小辣都唔錯，岩老豆口味。跟住我&老豆各自去拎左輪刺身，三文魚都厚身，正常發揮，而自己最鍾意係帶子，甜口，新鮮。希靈魚今次都有食，脆口，唔錯。食完鷄堡之後就換左個皮蛋莞茜湯底，開始打邊爐。湯底的確有好多莞茜，滿意。我地叫左好幾款唔同既牛肉，牛肩胛肉係自己最鍾意既，牛味足夠，也滑。之後叫了玉子豆腐，魚皮餃&小籠包。 小籠包皮略厚&粘口，一般。但其他都ok。而海鮮比較鍾意元貝。最後拿了焦糖餅雪糕作甜品，很飽了，也滿足。