餃子屋

Open Now

Now Closed

裝修過嘅餃子屋鋪面大左啲，但人流一樣咁旺，咩時間都人山人海；餃子分6、8隻，以6隻為例，湯餃定價$32-40；煎餃就定價$36，加上海麵或米線$8，整體比裝修前都係加左少少，合理範圍，皆因佢地嘅餃特別大隻，一隻等如別家兩倍，十分飽肚，性價比高雲耳白菜豬肉餃 $32/6隻湯底可選魚膠淮山煲豬骨或重慶湯底，強調無味精。湯底有少少膠質，熱辣辣；我平時連例湯都飲清光，所以一定會飲哂，食餃子有一半原因係為湯。餃子巨型，皮唔厚，夠滑溜無粉，餡料爆棚，菜肉半半。白菜餃依然係我至愛，保留菜莖，食落特別爽肉餡調味重手，咬落仲爆汁，食完6粒已經好飽。香辣豬肉煎餃 $36/6隻煎餃油是常識，外皮都煎到幾脆，呢款辣豬肉真係有少少鹹，所以6隻就啱啱好。餃子屋大件夾抵食，但餃偏重口味，唔能夠日日食，間中黎一次就好滿足。