Video
Read full review
2022-11-06
773 views
我本身好鍾意去d cafe食野，有次見到193同衛詩雅既一個飲食節目，就決定黎依到試下。一黎見到店出面既門牌，就有d鍾意依間店既格調，用木製既牆再加上店名，簡約又有lounge relax既感覺。個日平日去食都唔洗點等位。而且用QR code落單都好方便、快捷，如果有問題要問店員，都好快會有店員回應，而且都十分有禮貌。 午餐時間有一個便當、散叫食物、甜品同drink menu，我見隔離枱都係叫便當較多，可能因為多d選擇。便當 $146我個便當有珍珠飯、紫菜蛋花湯、涼拌麻醬菠菜、溫泉蛋、和牛粒同梅醬燒鯖魚。🍱首先，飲左湯先，係涼涼既天氣，有碗熱熱既湯，真係好溫暖，紫菜蛋花湯亦都好似家常既湯，唔算話太大特別，但就份外舒服。🫕梅醬燒鯖魚唔會有太多酸酸既梅醬味，而且有香香既燒鯖魚味，佢魚皮唔係脆脆既個一種，但魚肉唔會太散，味道調得剛剛好，所以都幾推薦。🐟麻醬波菜上有少少芝麻，所以食落口不但有麻醬甜甜既麻香，亦有芝麻明顯既香味，同我想像有d唔同既係佢用既係沙律菜而唔係煮熟既波菜，唔會有波菜個種澀味，只用蔬菜青青既味道，所以整體味道都唔錯。🥬我將個溫泉蛋放左落珍珠飯到食，溫泉蛋有少許豉油，將個蛋黃
一黎見到店出面既門牌，就有d鍾意依間店既格調，用木製既牆再加上店名，簡約又有lounge relax既感覺。
個日平日去食都唔洗點等位。而且用QR code落單都好方便、快捷，如果有問題要問店員，都好快會有店員回應，而且都十分有禮貌。 午餐時間有一個便當、散叫食物、甜品同drink menu，我見隔離枱都係叫便當較多，可能因為多d選擇。
便當 $146
我個便當有珍珠飯、紫菜蛋花湯、涼拌麻醬菠菜、溫泉蛋、和牛粒同梅醬燒鯖魚。🍱
Bento
$146
32 views
0 likes
0 comments
梅醬燒鯖魚唔會有太多酸酸既梅醬味，而且有香香既燒鯖魚味，佢魚皮唔係脆脆既個一種，但魚肉唔會太散，味道調得剛剛好，所以都幾推薦。🐟
麻醬波菜上有少少芝麻，所以食落口不但有麻醬甜甜既麻香，亦有芝麻明顯既香味，同我想像有d唔同既係佢用既係沙律菜而唔係煮熟既波菜，唔會有波菜個種澀味，只用蔬菜青青既味道，所以整體味道都唔錯。🥬
我將個溫泉蛋放左落珍珠飯到食，溫泉蛋有少許豉油，將個蛋黃係個飯到整開，再搞拌，每一粒飯都被蛋黃包圍，再加上飯上既飯素同少許豉油，為飯增添左味道，亦唔會太濃，飯上加上蛋黃，特別滑溜，又唔會一嚿嚿，仍然粒粒分明。🍚
另外和牛粒就有d失色，有一兩嚿食落都唔會有根，有牛脂肪既香味，但大部分都有好蛋根，有一嚿比較大嚿既甚至成嚿係咬唔到，雖然個味道都算唔錯，但牛既品質就有d參差。
另外仲叫左一杯咖啡，咖啡質素算不錯，奶同咖啡既比例適中，咖啡係nutty，為我半日假期帶黎relax既感覺。因為杯咖啡係跟餐所以可以減$8蚊，而佢原價係$42。
Latte
$42
21 views
0 likes
0 comments
希望下次可以試下夜晚黎，可以飲下佢d cocktail，或者食下小食或者toast個d。
Post
