Mana Thai Kitchen (Closed)

見到OpenRice 個牛肉船麵好吸引，個濃湯好似好正，而且一面倒得。所以今日過海做完嘢特登搭車過嚟食，點知，又係一個極失望嘅經歷。個船河一上枱見到個湯底都知唔妥，個湯望落一啲都唔濃郁，同OpenRice 啲相相差甚遠；個湯無乜牛味而且偏甜，味道就好似是但一間泰國或越南餐廳都做到嘅普通湯底，我唔覺得係一個特別經真材實料「餚」出嚟嘅湯底；而且果幾條炸豬皮有好勁嘅油臆味。碗粉絕對唔係難食嘅，但真係好正常勁普通，感覺同食越棧無分別，咁點解我要特登搭車過嚟食呢？！而且杯青檸梳打，佢唔知係攪錯定乜，唔係青檸係黃檸，而且應該係落咗檸檬汁開稀嘅，杯底果啲超酸。總括而言，正常過唔正常，唔洗特登搵黎食。後未埋單$82，openrice 果個牛肉船麵係$120，而且我發現menu design 都同OpenRice 原本果個唔同，舖頭名稱冇變，所以我估可能係易咗手或者係轉左大廚，所以質素差咁遠。不過值得一讚係樓面叔叔好有禮貌而且熱心幫忙，如果食物做返好應該還有潛力。