迷日食堂

Open Now

Now Closed

記得之前每次去日本都總會去便利店買佢啲一串串既炸雞食，但香港大部份都係台式炸雞，比較難食到日式炸雞🇯🇵🇯🇵但今次比我喺葵芳搵到一間正宗買日式炸雞嘅小食店😍🤤🤤原來呢間小店用嘅所有材料同埋老闆都係來自於日本㗎，唔怪得咁正宗啦😋🤘🏻秘製雞肉彈（ $22 ）🍗名副其實嘅皮薄餡靚，就咁睇個樣都見到佢好多汁💦💦薄薄嘅一層炸皮包住嫩滑又多汁嘅雞肉，用咗日本蒜頭去調味🧄真係好似喺日本食炸雞咁😭蝦蝦薯彈（ $22 ）其實即係可樂餅，用咗北海道嘅薯仔🥔🥔食落特別甜，包住入面既蝦粒，又唔會好油👍🏻👍🏻蕨餅波波（ $20）包括左五粒黃豆粉蕨餅同埋兩粒紅豆水晶波波🍡蕨餅口感好正，水晶波波就比較淋同埋有啲甜🤣🤣