Deer Kitchen (Moved) New Location

見咁多個好評，抱住期望去試，點知結果係失望。叫咗兩個set dinner, 一份係慢煮牛柳，另一份係黑毛豬扒。頭盤甜品同湯都冇問題，問題出於主菜。我本身唔算食開濃味野，但兩份扒嘅汁都係冇味嘅，仲要少得可憐。件牛柳，你叫得慢煮，我希望會係一件淋同滑嘅牛。一刀切落去，唔得，要用力据。食落口，只係覺得冇味，鞋同韌。件豬，我只係試咗一舊，都係冇味嘅。我食野從未試過即場投訴，但呢次真係忍唔住同個侍應講件牛真係好唔掂。本身冇期望佢會解釋d咩，但轉頭同我講話廚房覺得冇可能會係咁，可能係切錯方向，所以韌咗少少，我已經懶得回應，之後就問我地加唔加錢升級個甜品。埋單$700，我覺係貴，唔係唔捨得食，但質素唔應該係咁。某程度上，我覺得大家樂什扒餐可能仲好，多咗視覺同聽覺享受。$700兩個人食晚餐，同區仲有好多選擇，起碼隔離已經發現一間差唔多餐牌但價錢平一半嘅，有機會會去試吓。