澳門茶餐廳

Open Now

Now Closed

唔洗去澳門，係香港都食到澳門美食。鮮油奶醬豬仔包豬仔包外層酥脆內裏鬆軟，配上厚厚嘅鮮奶油同奶醬十分滋味，係港澳茶餐廳嘅招牌，每次都一定會叫。焗葡國雞帶有澳門風味嘅地道菜，個汁椰味好香濃適合送飯，雞肉冇煮過火，依然嫩滑，仲有薯仔洋蔥青椒等配菜。咖喱牛腩湯河牛腩燉到好入味口感軟淋，咖喱唔配飯配河粉一樣得，河粉吸收了咖哩湯食落更加惹味。馬拉盞炒時蔬新鮮時蔬每日不同，今日嘅芥蘭脆嫩無渣，用咗香辣嘅馬拉盞炒可以中和芥蘭本身嘅澀味，鹹香味美。葡式蛋撻講起澳門就一定要食葡撻，每日限定時間新鮮出爐，撻皮酥脆香口，入面嘅蛋漿好似焦糖布甸咁幼滑。樽仔冰鎮絲襪奶茶用絲襪過濾後奶茶更加順滑，再用冰筒維持佢冰凍嘅溫度，令每一啖都品嚐到懷舊的滋味。