Noc Noc

Open Now

Now Closed

Item: Noc Noc
Rating: 3
Author: 奧志雷

443 Reviews

Taste

Decor

Service

Hygiene

Value

12137

Tai Po

$101-200

International All Day Breakfast Steak House Bar

403

奧志雷

Level4

2.1K

Read full review

靜休休，酒鬼無晒！剛剛傷癒無耐，點解又係咁，怪我過份簡單？收早六點未夠返到大埔，買埋雪櫃六點三行到舊墟喇，但 after 5 開九點，Sky 開八點，本想折反屋企夜點再黎，但計計時間反到去都七點喇，放棄。天意給機會 Noc Noc，就試試您地既出品。驚見兩個大美人帶著隻史納沙，整個人即時精神晒。

望望肉肉肉，全部都係肉非常合我胃口。部份菜色特別，種類繁多，比起 After 5 有更多選擇。室內切置入牆巨形彈波機，玩唔玩得架呢？贏左全單免費？先來麒麟生啤，終於飲到喇，清涼順喉，我一向都終情日本啤酒呢。

啡菇漢堡，厚滑彈原味多水大啡菇，外乾內鬆軟漢堡扒，陰沉牛肉味道欠缺一點清爽感覺，配上生菜蕃茄千島醬真的幫了個大忙，添了點生氣，舒服多了。半溶芝士，微脆麵包，非常美式，可以的。伴碟過燶炸薯角，討厭！我要鮮炸外脆內軟的。

南美燒豬仔骨，一份有十支骨，分左兩盒送到。細小小那份比較 juicy 彈牙味香甜可口，大小小那份乾硬帶韌，出多點力去趙。香噴噴有咬口，醃味甜美，味道不錯。還以為錯單送多份薄餅，原來跟豬仔骨的，以想不不無汁主菜會配乾乾薄餅。淨食都以乾爭爭，嚥嚥韌韌麥味濃，如果來個咖哩汁更好。

Pizza margarita 放到腍晒囉！暖而不熱，邊位脆到似餅乾，還以為 1 分鐘路程唔會入外賣兜，直接會連木盤送過黎，依家浪費時間又浪費包裝。食物微暖又唔環保，何苦呢！傳統 margarita 係無蘑菇，我較喜歡傳統無蘑菇的，馬那麼蘿勒芝士蕃茄味會更香濃，依家被濃厚蘑菇味蓋過晒咯。

龍蝦汁燴海鮮天使麵，魚柳勁腥帶雪味，土魷勁咸不新鮮，竟然都有腥味。天使麵掛著龍蝦汁有點水汪汪，雪藏蜆肉嚥韌無味道，整體合格的，最好味半殼青口。何解龍蝦汁都有洋蔥呢？不喜歡。

蒜蓉炒牛柳粒，鬆到腍劈劈，味道勁咸又濁，乾爭爭咸得要命，牛柳頭頭尾尾邊位，一片片無一件係粒，炒下欄不算牛柳粒吧，炒完灑炸蒜劣得要緊，失望。

安格斯肉眼扒 12 安 3 成熟，特別要求唔想要炸薯角，要雜菜伴碟，無沙律無燒菜提供。Medium Rare 3 成熟都唔識煎，要再陪瞓喎！調味淡、牛味淡、汁又淡！只得一成熟 Rare。好生，鬆軟凍冰冰滲血水！除左中間隻脂肪眼外仲有好多筋同肥膏。白烚雜菜凍冰冰仲滴晒水！肉眼扒沙律咩，全部都凍既！番茄西蘭花椰菜花脆肉瓜，爽脆水潤。

單骨雞翼？切開一半就當係？最多可以叫做開邊炸雞中翼，以我認知您要反出黎露出半枝骨，先係單骨雞中翼，笑那死人咩！邊個教您單骨雞翼架。唔知幾時開始單骨雞翼變左種，開邊雞翼當成單骨雞翼，見者傷心，聽者流淚，拆一條骨出黎，再將肉反成雞鎚形狀，滑滑啖啖肉，插入口一扯先爽呀！新鮮生炸熱辣辣，肥美脹卜卜，咬開爆汁，雞油非常香口，沾上蜜糖芥辣，辛辣中帶甜，增添不小風味。驚嚇沙律伴碟，放到變乾變軟，室溫紙皮一樣，一啖放棄。

班尼廸蛋，墊底的還以為係多士，原來係鬆餅來的。糖心蛋及巴馬火腿舒服地躺在鬆餅上，最頂淋上大量芝士忌廉，Yummy！由上以下，手起刀落狠狠地劏開﹗蛋球即時爆開，蛋汁四射，十分奪目，使得我興奮莫明 ﹗半件班尼廸蛋塞得我嘴仔滿滿，黏黏的芝士混上黏黏的蛋漿，即時在口腔內結合，融為一體﹗再搭上火腿及鬆餅的咸香、麵粉香，味道提升好幾倍，而且多重質感正在碰撞，鬧得熱烘烘，又驚又喜的味道﹗

煙肉芝士蘑菇菠菜奄列，嫩滑炒蛋包著忌廉湯一樣，潤料多嫩滑勁多料，豐富味蕾好味道。炸魚薯條，炸薯咸魚，勁咸！普通炸薯條，沾上茄汁不錯。焗寶雲酥羊架，勁勁勁好食，驚喜的味覺享受，輕輕羶香鮮嫩多汁。

意大利四季薄餅，料不太多，茄味芝味濃，撞上菇菇及水欖，不過不失。印尼群島沙嗲併盤，有四款肉那麼利害呢。雞乾乾的，牛羊質地味道都差不多，羊肉牛肉同樣微羶，豬彈牙有咬口有肉汁燒得最好。

三重芝士焗辣肉醬意粉，侍應哥哥溫馨提示趁熱食，芝士好快凍就會變硬喇，小心個盆好熱架，知道知道。急急拌兩下夠均勻，即時大大啖塞進朱脣，舌頭打兩個轉，芝士肉醬味道都偏啖。肉醬只有薄薄一層似乎太孤寒啊，辣肉醬？沒半點辣味喎。機會黎喇，又到出必殺技既時候！淋上大量辣椒仔汁，酸酸辣辣開胃醒神，三兩下所有意粉灰飛煙滅。

美國安格斯西冷扒 12 安士 5 成熟，繼上次 order 3 成熟凍冰冰中伏後唔敢喇，轉食 5 成啦。要 5 成都差不多煎到 7 成，照食可也。牛味濃郁甜美，肉質嫩嫩有嚼勁不乏肉汁，調味清淡。幸好配埋可口紅酒汁，味道立即昇華幾倍，食得過。

雞翼三重奏，脆炸雞翼兜個靚汁，果真外脆內嫩喎，還有少少肉汁，雞翼可以再肥美一點就更開心啦。水牛城強酸的味道有微辣的餘韻，牛油依個真的不錯，非常欣賞牛油完全浸入炸脆了的雞皮之中，食到雞皮更香更脆，每啖都浸出點點牛油滋味無窮。蜜糖芥茉惹味增食慾，先來芥辣再來香甜蜜糖味道，good！

炸魚手指，鱈魚黎喎！炸得金黃乾爽不油膩剛剛好，一咬魚汁飛射，魚味濃厚甜甜的啊。龍蝦汁燴海鮮天使麵，天使麵烚到過晒火散筲筲腍劈劈，天使麵時光倒流差點變回麵粉咯。極淡的龍蝦汁，心情跌落谷底，幸好有兩隻爽爽大蝦安慰一下，最後都係撈辣椒仔汁求鬼其食埋去吧。

美國豬鞍扒配玉桂蘋果醬，師傅有料到知道 9 成熟最嫩最好食，中間留有一絲的粉紅色，豬肉鮮味出眾醃味得宜，多汁潤喉好味道。德國咸豬手，沒有期望搏一搏，多謝師傅並不是百佳超級市場的咸硬乾豬手，有烹調有質素的表現。以港式德國豬手黎講真心煮理得宜，值得加許。炸得不油膩，豬皮脆卜卜還黏著少許黏黏骨膠原，豬肉鬆軟滲著少許咸香肉汁，沾上蜜糖香草汁甜甜的，味道比芥辣更夾更醒胃。

Noc Noc Open Now Now Closed

Noc Noc

Open Now

Now Closed