保家山 (Closed)

觀塘 保家山今日去觀塘食咗一間手工漢堡，門口寫住burger山，入到去收銀就會見到座用漢堡包代替平安包做嘅長洲搶包山，好得意。老闆話佢細細個食漢堡包都會好開心，但係來來去去都係得啲大牌子，佢希望創造有香港特色嘅漢堡包，所以就創立左burger山。「山」手工和牛漢堡（港式醬汁）$98既然話舖頭係有香港特色，我就叫咗個港式醬汁和牛漢堡，個包超級厚，港式醬汁係有微酸，比起一般嘅漢堡醬汁特別，牛肉亦都相當之重嘅牛肉味，咬落去相當Juicy，高質過連鎖漢堡好多倍。紫菜薯條+$4呢度嘅薯條係即炸極之香脆，而且仲有相當多嘅紫菜碎，紫菜味非常之突出。卡邦尼培根蛋麵 配沙律及餐湯 $98雖然係間漢堡包店，但係呢度嘅意粉都做得好出色，個卡邦尼醬汁相當之重芝士味，而且每條麵都好掛汁。配埋柚子汁嘅沙律。另外餐湯係粟米湯，粟米嘅香味相當之濃郁。無糖蜜桃茶 +$8食漢堡包可以唔飲汽水，無糖蜜桃茶有淡淡的蜜桃香味，食完漢堡包飲非常之解膩。